ادامدار ۆاتساپتان باس تارتۋى مۇمكىن بە - زەرتتەۋ
نۇر-سۇلتان. قازاقپارات - «ادامدار ۇزدىكسىز پايدالانىپ جۇرگەن ينتەرنەت-سەرۆيستەر تەگىن جانە پايداسىز ەمەس. كوپتەگەن ادامدار ولارسىز ءومىرىن ەلەستەتە المايدى»، دەپ جازادى نەمىستىڭ Die Welt باسىلىمى.
اۆتوردىڭ ايتۋىنشا، ا ق ش ۇلتتىق عىلىم اكادەمياسىنىڭ جۋرنالىندا ەكونوميستەر جۇرگىزگەن زەرتتەۋ ناتيجەلەرى جاريالانعان.
«زەرتتەۋ بارىسىندا عالىمدار ادامداردىڭ بەلگىلى ءبىر ينتەرنەت-قىزمەتتەن ءبىر ايعا نەمەسە ءبىر جىلعا باس تارتۋى ءۇشىن ولارعا اقى تولەگەن. ەۋروپادا جۇرگىزىلگەن زەرتتەۋ ناتيجەلەرى كورسەتكەندەي، حالىق WhatsApp, Facebook جانە كارتوگرافيالىق قىزمەتتەن باس تارتۋ ءۇشىن وتە كوپ اقشا سۇراعان. ولار WhatsApp-تان ءبىر ايعا باس تارتۋعا ورتاشا ەسەپپەن - 536 ەۋرو، Facebook-تان - 97 ەۋرو سۇراسا، ونلاين- كارتالاردان باس تارتۋ قۇنىن 59 ەۋروعا باعالاعان.
ال ا ق ش ازاماتتارى ىزدەۋ جۇيەلەرىنەن باس تارتۋعا دايىن ەمەس ەكەندىكتەرىن، قولدانىستان شىعارۋ قاجەت بولسا، ول ءۇشىن جىلىنا 17530 دوللار الاتىندارىن جەتكىزگەن. ودان كەيىنگى ورىندا ەلەكتروندىق پوشتا (8414 دوللار) جانە كارتوگرافيالىق قىزمەتتەر (3648 دوللار) تۇر.
