16:49, 30 - قازان 2019 | GMT +5
ەلوردادا ابايعا ۇلكەن ەسكەرتكىش ورناتىلادى
نۇر- سۇلتان. قازاقپارات - ەلوردادا «اباي الەمى» ورتالىعى سالىنادى. بۇل تۋرالى بۇگىن ابايدىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيا وتىرىسىندا ق ر پرەمەر- ءمينيسترىنىڭ ورىنباسارى بەردىبەك ساپاربايەۆ ايتتى، دەپ حابارلايدى قازاقپارات ءتىلشىسى.
«نۇر- سۇلتان قالاسىندا ابايدىڭ 175 جىلدىق مەرەيتويىن وتكىزۋگە بايلانىستى قالا اكىمشىلىگىمەن كەلىستىك. قازىر قالا اكىمشىلىگى جەر ءبولدى. ءوز ەسەبىنەن جوبالىق- سمەتالىق قۇجات جاساۋعا كىرىستى. بىزگە تاپسىرما بەرسەڭىز، «سامۇرىق- قازىنا» جانە باسقا دا كومپانيالاردىڭ ەسەبىنەن نۇر- سۇلتان قالاسىندا «اباي الەمى» دەگەن ۇلكەن ورتالىق سالساق دەگەن ويىمىز بار. وعان قوسا، قالا اكىمشىلىگى ءوز ەسەبىنەن اباي كوشەسىنىڭ بويىندا ۇلى اقىنعا قوسىمشا ۇلكەن ەسكەرتكىش ورناتاتىن بولادى»، - دەدى بەردىبەك ساپاربايەۆ.
پرەمەر- ءمينستردىڭ ورىنباسارى اقىننىڭ 175 جىلدىق مەرەيتويىنا وراي مەكتەپتەردە، وقۋ ورىندارىندا اباي الەمىنە قاتىستى ساباقتار، سيمپوزيۋمدار، كونفەرەنسيالار سياقتى شارالار وتكىزىلۋ تيىستىگىن ايتتى.
اۆتور مارلان جيەمباي
