پرەزيدەنت: جەرگىلىكتى اكىمدىكتەر كاسىپكەرلىك نەگىزدەرىن جاپپاي وقىتۋ باستاماسىن ەنگىزۋى ءتيىس

بۇل تۋرالى مەملەكەت باسشىسى Twitter- دەگى پاراقشاسىندا جازدى، دەپ حابارلايدى قازاقپارات.

«الماتى قالاسىنداعى ينۆەستيتسيالار ۇيىنە باردىم. «Qolda‎»، Almaty Finance, «Almaty» ميكروقارجى ۇيىمى سىندى قۇرىلىمداردىڭ وزىق تاجىريبەسى باسقا وڭىرلەرگە ۇلگى بولۋى قاجەت. جەرگىلىكتى اكىمدىكتەر كاسىپكەرلىك نەگىزدەرىن جاپپاي وقىتۋ باستاماسىن ەنگىزۋ ءۇشىن بەلسەندى جۇمىس جۇرگىزۋى ءتيىس» دەلىنگەن حابارلامادا.

ايتا كەتەيىك، بۇعان دەيىن قاسىم-جومارت توقايەۆ الماتىداعى كاسىپكەرلىكتى دامىتۋعا باعىتتالعان ورتالىقتاردى ارالاپ كورىپ، قولعا الىنعان باستامالاردىڭ تابىستى جۇزەگە اسىرىلۋىنا تىلەكتەستىك بىلدىرگەنىن حابارلاعان بولاتىنبىز.