مەملەكەت باسشىسى «كوكجايلاۋ» جوباسىمەن اينالىسۋعا تىيىم سالدى
«قايتادان بۇل ماسەلەگە ورالماس ءۇشىن، مەن بۇگىن وسى جوبامەن اينالىسۋعا تىيىم سالامىن. ياعني، كوكجايلاۋ تاۋ- شاڭعى كۋرورتى جوباسىمەن اينالىسۋعا. ول بىزگە كەرەك ەمەس»، - دەدى قاسىم جومارت توقايەۆ الماتى قالاسىن دامىتۋ ماسەلەلەرى جونىندەگى كەڭەستە.
سونىمەن قاتار، مەملەكەت باسشىسى بارلىق كاسىبي ەكولوگتار مەن بىلىكتى قوعام وكىلدەرى جوباعا قارسى ەكەنىن اتاپ ءوتتى.
ەستەرىڭىزگە سالايىق، بۇعان دەيىن قازاقستان پرەزيدەنتى قاسىم- جومارت توقايەۆ «كوكجايلاۋ» كۋرورتتىق جوباسىن جۇزەگە اسىرۋدى كەيىنگە قالدىرۋ تۋرالى ۇسىنىس ايتقان بولاتىن.
اۆتور: الما مۇقانوۆا
