قاسىم-جومارت توقايەۆ نان مەن ەت باعاسىنا قاتىستى پىكىر ءبىلدىردى

«مەن ۇكىمەتتىڭ نازارىن ازىق-تۇلىك باعاسىنىڭ كۇرت وسۋىنە جول بەرمەۋگە اۋدارعىم كەلەدى. بىرىنشىدەن، بۇل حالىق كوپ تۇتىناتىن نان مەن ەت ونىمدەرىنە قاتىستى. 22 قازانداعى جاعداي بويىنشا، قازاقستانداعى الەۋمەتتىك ماڭىزى بار ازىق- تۇلىك تاۋارلارى باعاسىنىڭ ءوسۋى %8,8  دى قۇرادى، ال الماتىدا بۇل كورسەتكىش %10 عا جەتتى. ازىق-تۇلىك باعاسىنىڭ ءوسۋ فاكتىسى ەكونوميكامىزدىڭ وسالدىعىنىڭ ايقىن كورسەتكىشى ەكەنىن مويىنداۋ كەرەك. ماسەلەن، وسى احۋالدى سىرتقى نارىقتارداعى كونيۋنكتۋرامەن بايلانىستىرۋ ورىنسىز»، - دەدى مەملەكەت باسشىسى الماتى قالاسىنىڭ الەۋمەتتىك- ەكونوميكالىق دامۋىنا ارنالعان كەڭەستە.

پرەزيدەنت ۇكىمەت ەكونوميكالىق ءوسىمنىڭ جاڭا نۇكتەلەرىن قۇرۋ بويىنشا قوسىمشا شارالار ازىرلەگەنىن اتاپ ءوتتى.

«قازىر بۇل شارالاردى جەدەل ىسكە اسىرۋ قاجەت. ايتپەسە، بىزدە كۇردەلى پروبلەمالارعا تاپ بولامىز. ەكونوميكانى ءارتاراپتاندىرۋ ساياساتى ارى قاراي جالعاسۋى كەرەك»، - دەدى قاسىم-جومارت توقايەۆ.

اۆتور: الما مۇقانوۆا