نەگە جاقىندارىمىزعا داۋىس كوتەرەمىز؟
باسقا ادامداردىڭ كوزىنشە بارىنشا شىدامدى بولىپ، ۇيگە كەلگەندە كۇيەۋىڭىزگە نەمەسە بالاڭىزعا ايقايلاي سالاسىز. نەلىكتەن مۇنداي جاعداي ورىن الادى؟ ونىڭ سەبەپتەرى كوپ.
وتباسىدا ءوزىڭىزدى ەركىن ۇستايسىز ءومىر بولعان سوڭ ءبىراز نارسەلەرگە شىداۋ كەرەك بولادى. ۇيدەن سىرتقا شىققان ءار ادام قوعامدىق ورتاعا تۇسكەندىكتەن ءارتۇرلى ادامدار، ءتۇرلى پىكىر نە كوزقاراس، كەز كەلگەن جاعداي ورىن الۋى مۇمكىن ەكەنىن تۇسىنەدى.
سوندىقتان ادام قوعامدىق كولىكتە، جۇمىستا نەمەسە كەزەكتە تۇرعاندا قانداي جاعداي بولماسىن ءوزىن ۇستاۋعا تىرىسادى. شىدامدى بولۋدا تۇرعان ەشتەڭە جوق. ءار ادام ءوز تاربيەسىن ۇمىتپاي، قوعامدىق ورىندا ايقايلاسپاۋعا تىرىسۋ كەرەك.
وسىلايشا، ادامنىڭ ىشىنە نەگاتيۆتى ەنەرگيا جينالا بەرەدى. ءبىراق ول شەكسىز جالعاسا بەرمەيدى، ايتپەسە، بارلىق نەگاتيۆ پەن رەنىشتى ىشىڭىزگە جيناي بەرسەڭىز، جۇيكەڭىز جۇقارىپ، اۋرۋعا ۇشىرايسىز. ەڭ سابىرلى ادامنىڭ وزىنە اراسىندا ىشىندەگىسىن شىعارۋ قاجەت بولادى. قانشالىقتى «ءبىرتۇرلى» ەستىلسە دە، مۇنداي كەزدە ادامداردىڭ كوپشىلىگى بار اشۋىن وتباسى مۇشەلەرىنە شىعارادى.
ونىڭ بىرنەشە سەبەبى بار. بىرىنشىدەن، وتباسى مۇشەلەرى ونى قانداي بولماسىن جاقسى كورەتىنىنە سەنەدى. ونى پسيحولوگتار ينفانتيلدىك ۇستانىم، باسقاشا ايتقاندا، «انا مەن بالا قاتىناسى» دەپ اتايدى.
مىسالى، بالاسى نە ىستەسە دە، اناسى ونى قالاي بار سولاي جاقسى كورەدى. ەكىنشىدەن، ەموتسياسىن جاقىندارىنا شىعارۋ - ول سەنىمدىلىكتىڭ بەلگىسى. ءبىراق بۇل جاعدايدا وتباسى مۇشەلەرى وزدەرىن قالاي سەزىنەدى؟ ولاردىڭ ورنىنا ءوزىڭىزدى قويىپ كورىڭىز.
ولارعا ءاردايىم داۋسىڭىزدى كوتەرە بەرسەڭىز، ولار سىزدەن الشاقتاي تۇسەدى. سوندىقتان ىشتەگى نەگاتيۆتى شىعارۋدىڭ باسقا ادىستەرىن زەرتتەڭىز.
مىسالى: مەديتاتسيا جاساۋدى ۇيرەنۋ نەمەسە جۇمىستان كەلە جاتىپ بىردەن ۇيگە كىرمەي، تازا اۋادا سەرۋەندەپ الۋ جانە كەشكىسىن جاقىن ادامىڭىزبەن تىنىش كۇيدە اڭگىمە ايتۋ. جاقىنىڭىزعا «جاقسى» بولسىن دەپ داۋىس كوتەرەسىز ءبىز جاقىن ادامىمىزبەن ۇزاق ۋاقىت بىرگە بولعاندىقتان، ول تۋرالى ونىڭ وزىنەن دە جاقسىراق بىلەمىز دەپ (ءجيى قاتە) ويلاي باستايمىز. كۇيەۋىڭىزدى نەمەسە بالاڭىزدى سىرتىنان باقىلاپ، وعان نە كەرەگىن جانە قالاي ىستەسە دۇرىس بولاتىنىن تولىقتاي بىلەمىن دەپ ويلايسىز.
ءبىراق ءسىزدىڭ «جاقسى بولسىن» دەگەن پىكىرىڭىز ونىڭ پىكىرىمەن سايكەس كەلمەۋى مۇمكىن. سودان كەيىن وعان ايقايلاي باستايسىز. جاقىن ادامىڭىزدى «قاجەتتى» ارناعا بۇرۋ ارقىلى ونىڭ ارەكەتىنە، قالاۋىنا شەك قوياسىز.
ونى ءوز ەركىڭىزگە باعىندىراسىز. بىرەۋ سىزگە نە كەرەگىن سىزدەن دە جاقسى بىلەتىنىن ايتىپ، قالاۋىڭىزدان باسقا نارسەگە بۇرا بەرسە، قالاي بولار ەدىڭىز؟ ونىڭ ورنىنا وتباسى مۇشەلەرىن ءاردايىم قولداڭىز، پىكىرىن تىڭداڭىز، قالاعان نارسەسىن بىرگە زەرتتەپ، ول نارسەنىڭ كەمشىلىكتەرى مەن ارتىقشىلىقتارىن بىرگە وقىڭىز.
قاتەلەسسە، «ايتتىم عوي» دەپ بىردەن داۋىس كوتەرمەڭىز. ءار ادام قاتەلىكتەر ارقىلى عانا تاجىريبە جينايتىنىن ۇمىتپاڭىز. سىزگە جاقىندارىڭىزدىڭ (نەگاتيۆتى بولسا دا) نازارى قاجەت ەڭ تاۋەلسىز ادامنىڭ ءوزى جالعىزدىقتان قورقادى. ەگەر ادام وزىنە «پوزيتيۆتى» نازار اۋدارتا الماسا، ول شابۋىل جاساۋ ارقىلى زەيىن اۋدارتۋدى ويلايدى.
مىسالى، كىشكەنتاي بالالار اتا-اناسىن وزىنە قاراتۋ ءۇشىن سەبەپسىز ەركەلەپ، جىلايدى. نازار اۋدارتۋدىڭ «بالا» ءادىسىن ەرەسەك ومىردە دە پايدالاناتىن ادامدار بار. جاقىندارىڭىزدىڭ نازارىن داۋىس كوتەرۋ نەمەسە رەنجۋ ارقىلى وزىڭىزگە قاراتا بەرسەڭىز،
ءبىر كۇنى ولاردىڭ سىزگە دەگەن سەنىمىن جوعالتىپ الاسىز نەمەسە ۇيرەنشىكتى جاعدايعا اينالىپ مۇلدەم ەلەمەيتىن بولادى. ونىڭ ورنىنا وتباسى مۇشەلەرىنە كوبىرەك ماقتاۋ سوزدەر ايتىڭىز، ولاردى قالاي جاقسى كورەتىنىڭىزدى ءجيى ءبىلدىرىڭىز جانە ولاردىڭ ءار باستاۋىن قولداڭىز.
