ديماش قۇدايبەرگەن اقتوبەدەگى «التىن ادام» تابىلعان اۋىلدا بەينەبايان تۇسىرمەك
بۇل جەردەن تاياۋدا «التىن ادام» تابىلعان بولاتىن، دەپ حابارلايدى قازاقپارات ءتىلشىسى.
استانادا وتكەن «ارناۋ» كونتسەرتىندە ديماش قۇدايبەرگەن «Golden» ءانىن شىرقاعان بولاتىن. اعىلشىن تىلىندەگى ءان «تازا ءمىنسىز اسىل تاس، سۋ تۇبىندە جاتادى» دەپ ايتىلاتىن ولەڭ شۋماقتارىنا سايادى. ياعني، التىن ادام بارىنە شىدامدى، ءوز بيىگىندە قالادى دەگەن ماعىنادا تىڭدارمانىنا كەڭ تارالدى.
«كەشەگى تەمىر اۋدانىنان تابىلعان «التىن اداممەن» بايلانىستىرىپ قانات جەزدەمىز ديماشتىڭ «Golden» انىنە كليپ ءتۇسىرۋدى جوسپارلاپتى. نيۋ-يوركتە ءجۇرىپ، قۋانىشپەن ءبولىسىپ، تۋعان ولكەسىن الەمگە تاعى ءبىر تانىتۋدى نيەت ەتكەن»، - دەپ جازدى اۋدان اكىمى جولداس قالماعامبەتوۆ.
ايتا كەتەيىك، وسى اپتادا تاسقوپا اۋىلىندا التىن بۇيىمدارمەن جەرلەنگەن ادام تابىلدى. قازبا جۇمىستارىن جۇرگىزگەن ارحەولوگتار مۇنى سەنساتسيالىق جاڭالىق دەپ وتىر.
«مەنىڭ تۋعان جەرىم اقتوبە وبلىسى تەمىر اۋدانى تاسقوپا اۋىلىنىڭ ماڭىنان باعا جەتپەس تاريحي قۇندىلىق - «التىن ادام» تابىلدى.. . وسىنداي مىقتى دۇنيەنىڭ ءدال ءبىزدىڭ ەلدەن تابىلۋى زور قۋانىش. وسى جولدا تىنباي ەڭبەكتەنگەن عالىمدارعا، ولارعا مۇمكىندىك جاساعان وبلىس، اۋدان باسشىلىقتارىنا ۇلكەن راحمەت»، - دەپ جازدى ديماشتىڭ اناسى سۆەتلانا ايتبايەۆا.
اۆتور: التىناي ساعىندىقوۆا
