دۇنيەگە ۇل بالانىڭ كەلۋى شىن مانىندە كىمگە بايلانىستى

نۇر-سۇلتان. قازاقپارات - كوپتەگەن نازىكجاندىلار دۇنيەگە قىز بالا اكەلىپ، ۇل بالاعا جۇكتى بولماعانىنا قىنجىلادى.

وعان «كەلىن ۇل تۋمادى» دەپ سوگەتىن ەنەلەر مەن «ءىزباسارىم جوق دەپ بەتكە باساتىن» كۇيەۋ نەگىز بولادى.

Day.ru سايتى ۇل بالانىڭ تۋۋى شىن مانىندە كىمگە بايلانىستى ەكەنىن انىقتاپ بەردى.

ەرلى-زايىپتىلار اراسىنداعى قارىم-قاتىناس بالانىڭ جىنىسىنا تىكەلەي اسەر ەتەدى دەگەن عىلىممەن دالەلدەنبەگەن تەوريا بار.

وتباسىندا نەگىزگى ءرولدى ەر ادام اتقارسا - دەمەك، دۇنيەگە ۇل بالا كەلەدى، ال ايەل اتقارسا، قىز بالا تۋادى دەگەن قاعيدانى مىسالعا كەلتىرۋگە بولادى.

بەلگىلى بولعانداي، سپەرماتوزويدتاردىڭ 2 ءتۇرلى حروموسوماسى بار: X- ايەلدەر جانە Y- ەرلەر.

وتكەن عاسىردىڭ 60-جىلدارىندا ۇلداردىڭ تۋۋىنا جاۋاپ بەرەتىن سپەرماتوزويدتار بويىنشا زەرتتەۋ جۇرگىزىلگەن، وعان سايكەس ولاردىڭ قوزعالمالى ەكەنىن، الايدا تەك 48 ساعات قانا ءومىر سۇرەتىنى انىقتالدى.

«قىزدار» سپەرماتوزويدتار باياۋ، ءبىراق انانىڭ دەنەسىندە 5 تاۋلىككە دەيىن بولۋى مۇمكىن.

ال parents.ru سايتىنىڭ مالىمەتىنشە، ەرلى-زايىپتىلاردا قىز نە ۇلدىڭ دۇنيەگە كەلۋى تىكەلەي ەر ادامعا بايلانىستى.

ناقتىراق ايتقاندا ونىڭ سپەرماتوزويدتارىنا قاتىستى.

ولاردا بولاشاق بالانىڭ جىنىسى تۋرالى اقپارات بار.