قاراعاندى تۇرعىنى پوليتسەيدى ارانداتپاق بولعان

پوليتسيا دەپارتامەنتى وسى جاعدايعا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

ۆيدەودان كولىك يەسى پوليتسەيمەن ەرەگەسىپ، وزىنىكىن اقتاۋعا تىرىسقانى كورىنەدى.

«بيىل 21- قازان كۇنى قاراعاندى قالاسىنىڭ باجەنوۆ-پروگرەسس كوشەلەرىنىڭ قيىلىسىندا «حۋنداي اكتسەنت» اۆتوماشيناسىنىڭ جۇرگىزۋشىسى وڭعا بۇرىلاردا جاياۋ جۇرگىنشىلەرگە جول بەرمەگەن. سول كەزدە قىزىل باعدارشامدا پاترۋل ماشيناسى تۇرعان. الگى جۇرگىزۋشىنىڭ ارەكەتىنە نارازى ادامدار پوليتسيا قىزمەتكەرىنە جۇگىنگەن، ارتىنشا پاترۋل «حۋنداي اكتسەنتتى» توقتاتپاق بولادى. ماشينا زىرعىپ وتىرىپ، جەكەمەنشىك ۇيلەردىڭ اراسىنا كىرىپ كەتكەن. ونى قۋىپ جەتكەن پوليتسيا قىزمەتكەرى جۇرگىزۋشىگە اۋىزشا ەسكەرتپە جاساپ، ول جەردەن كولىگىنىڭ ارتىمەن شىعا بەرگەندە، الگى جولىن بوگەپ، ۆيدەوعا تۇسىرە باستاعان. وسىلايشا ءتارتىپ ساقشىسىن جانجالعا تارتپاق بولادى. وعان تاعى دا ەسكەرتپە جاساعان. ەر ادام پوليتسيا قىزمەتكەرىن ارانداتا العان جوق»، - دەپ مالىمدەدى پوليتسيا دەپارتامەنتى.

ۆەدومستۆونىڭ اقپاراتىنا سۇيەنسەك، اتالعان اۆتوماشينانىڭ ەكيپاجى وقىس وقيعا بولعان كەزدە ءالى قىزمەتىنە كىرىسپەگەن. سوعان بايلانىستى، ۆيدەوتىركەۋىشى قوسىلماعان.

ايتا كەتەيىك، جىل باسىنان بەرى قاراعاندى قالاسىنىڭ اۋماعىندا جۇرگىزۋشىلەردىڭ جاياۋ جۇرگىنشىلەردى جىبەرمەۋىنەن، 30 مارتە ادامداردى كولىك قاققان. سونىڭ سالدارىنان 32 ادام جاراقات الىپ، ەكى ادام قازا تاپتى.