ءۇندىستانداعى ەرەكشە ەمتيحان

نۇر-سۇلتان.قازاقپارات - بۇدان ءبىر جىل بۇرىن ينتەرنەتتە ەمتيحان ۋاقىتىندا باستارىنا كارتون قوراپ كيىپ وتىرعان كوللەدج ستۋدەنتتەرىنىڭ سۋرەتتەرى كەڭ تارالدى.

بۇل سۋرەتتەر ءۇندىستاننىڭ كانتاكا شتاتى حاۆەري قالاسىنداعى بحاگات اتتى دايىنداۋ كوللەدجىنىڭ حيميادان ەمتيحان الىپ جاتقان كەزدە تۇسىرىلگەن. كوللەدج باسشىسى وسى كەلەڭسىز جاعداي ءۇشىن وكرۋگ ۇكىمەتىنەن كەشىرىم سۇراعان. ونىڭ ايتۋىنشا، باسقا مەكتەپتەر وسى ءتاسىلدى قولداناتىنىن ەستىگەننەن سوڭ، ءىس جۇزىندە پايدالانىپ كورگەن. بۇل تاجىريبەگە ستۋدەنتتەر ءوز ەرىكتەرىمەن قاتىسقاندارىن جانە كارتون قوراپتى وزدەرى الىپ كەلگەن.

«ەشقانداي ماجبۇرلەۋ بولعان جوق. سۋرەتتەردەن كورگەندەرىڭىزدەي بارلىق ستۋدەنتتەر كارتون قوراپتاردى كيىپ وتىرعان جوق. كەيبىرەۋلەر 15 مينۋتتان سوڭ قوراپتى شەشىپ تاستادى، ءبىز دە 1 ساعاتتان سوڭ قوراپتى شەشىپ تاستاۋدى ايتقانبىز»، - دەيدى كوللەدج باسشىسى.

جەرگىلىكتى باسقارۋ ورگاندارى سۋرەتتەردى كورگەسىن جەدەل تۇردە كوللەدجگە كەلگەن. ۋنيۆەرسيتكە دەيىنگى ءبىلىم كوميتەتىنىڭ جەرگىلىكتى ديرەكتورىنىڭ ورىنباسارى س. چ. پيردجادە بۇل ءتاسىلدى «ادامگەرشىلىككە جات قىلىق» دەپ اتاعان. «وسى وقيعادان حاباردار بولعاسىن، جەدەل تۇردە وقۋ ورتالىعىنا باردىم. باسشىلىققا مۇنداي تاسىلگە شەك قويۋ كەرەك ەكەندىگىن ەسكەرتتىم. سونىمەن بىرگە، كوللەدج باسشىلارىنا ەسكەرتۋ جاسادىم، قازىر جەدەل شارالاردى جۇزەگە اسىرىپ جاتىرمىز»، - دەيدى پيردجادە Times of India باسىلىمىنا بەرگەن سۇقباتىندا.

كوللەدج باسشىلىعى بۇل تاجىريبە توقتاعانىن جانە جەرگىلىكتى ۇكىمەت بۇيرىقتارىنا ساي جۇمىس جاساپ جاتقاندارىن مالىمدەگەن.

Massaget.kz