بالاباقشادا اعىلشىن ءتىلى وقىتىلماۋى مۇمكىن

نۇر- سۇلتان. قازاقپارات - بالاباقشالارداعى تاربيەشىلەردىڭ ەڭبەكاقىسى كوتەرىلەدى.

بۇل تۋرال پارلامەنت ماجىلىسىندەگى ۇكىمەت ساعاتىندا ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايد قازاقپارات ءتىلشىسى.

«مەكتەپ دەيىنگى ءبىلىم بەرۋ باعدارلاماسىنان اعىلشىن ءتىلىن وقىتۋدى الىپ تاستاۋ جوسپارلانىپ وتىر. سونىمەن قاتار، تاربيشىلەردىڭ ەڭبەكاقىسىن كوتەرۋ ەسكەرىلگەن»، - دەدى ا. ايماعامبەتوۆ ءبىلىم بەرۋدى جانە عىلىمدى دامىتۋدىڭ 2016-2019 -جىلدارداعى باعدارلامانىڭ ىسكە اسىرىلۋىن تالقىلاۋ بارىسىندا.

مينيسترلىك مالىمەتىنە قاراعاندا، ءبىلىم بەرۋدى جانە عىلىمدى دامىتۋدىڭ 2016-2019 -جىلدارعا ارنالعان مەملەكەتتىك باعدارلاماسىن ىسكە اسىرۋ كەزىندە ەلدەگى مەكتەپكە دەيىنگى ۇيىمدار جەلىسى بالاباقشالار سالۋ، جەكە بالاباقشالار، شاعىن ورتالىقتار اشۋ جانە باسقا دا ەنگىزۋ تاسىلدەرى ەسەبىنەن 1839 بىرلىككە. سايكەسىنشە، 3 جاستان 6 جاسقا دەيىنگى بالالاردى مەكتەپكە دەيىنگى تاربيەمەن جانە وقىتۋمەن قامتۋ 13,6 پايىزعا ارتتى. بارلىعى  10673 مەكتەپكە دەيىنگى ۇيىم جۇمىس ىستەيدى، ونىڭ ىشىندە بالاباقشالار - 6 470، شاعىن ورتالىقتار -  4203. كونتينگەنت  775164 ادامدى قۇرايدى (2015 ج. -  758772 ادام).

مەكتەپكە دەيىنگى ءبىلىم بەرۋدى دامىتۋدىڭ باسىمدىعى مەملەكەتتىك- جەكەشەلىك ارىپتەستىككە نەگىزدەلگەن. سوڭعى جىلدارى ءبىلىم بەرۋ سالاسىنا بيزنەستى تارتۋ بويىنشا جۇمىستار بەلسەندى جۇرگىزىلۋدە. ەلدەگى مەكتەپكە دەيىنگى ۇيىمداردىڭ 38,2 پايىزى (4082) جەكە مەنشىك بولىپ وتىر، بۇل 2015 -جىلعى كورسەتكىشتەن 18,1 پايىزعا (%20,1) ارتىق.

اۆتور: رۋسلان عابباسوۆ