قىتاي چەمپيونى بولعان قازاقستاندىق بوكسشى فيليپپيندىكتى جەڭدى
ەلشات الماتى قالاسىندا وتكەن «جەتىسۋ جاۋىنگەرلەرى» كاسىپقوي بوكس كەشىندە شارشى الاڭعا شىعىپ، فيليپپيندىك بوكسشى اردين ديالەمەن (35-14-4,17 ك و) 8 راۋند بوكستاستى. ناتيجەسىندە وتانداسىمىز تورەشىلەر شەشىمىمەن جەڭىسكە جەتتى.
ايتا كەتەيىك، كەشە الماتىدا م ت ك قازاقستان پروموۋتەرلىك كومپانياسىنىڭ ۇيىمداستىرۋىمەن «جەتىسۋ جاۋىنگەرلەرى» كاسىپقوي بوكس كەشى ءوتتى. بوكس كەشىندە 8 قازاقستاندىق جانە 1 وزبەكستاندىق جاس بوكسشىلار رينگكە شىعىپ، بارلىعى قارسىلاستارىنان باسىم ءتۇستى.
25 جاستاعى ەلشات نىعمەتوللا 2014 -جىلى كاسىپقوي بوكسقا اۋىسىپ، 2016 -جىلى WBO تۇجىرىمى بويىنشا قىتاي چەمپيونى، 2018 -جىلى WBC تۇجىرىمى بويىنشا ازيا چەمپيونى اتانعان بولاتىن. اراعا ءبىر جىل سالىپ ول قازاقستان ازاماتى اتانىپ، بۇگىن كاسىبي رينگتە العاش رەت ەل نامىسىن قورعادى.
اۆتور: مۇحتار قاليموللا ۇلى