قانات يسلامنىڭ الماتىداعى تيتۋلدى جەكپە-جەگىنە بيلەتتەر ساتىلا باستادى
بوكس جانكۇيەرلەرى كۇتكەن جاڭالىق «Qazaq promotions» ك ومپانياسىنىڭ instagram پاراقشاسىندا جاريالاندى.
«بيلەتتەر ساتىلىمى باستالدى! Zakazbiletov.kz - پروفيلدەگى بەلسەندى سىلتەمە. سونداي-اق، وففلاين تۇردە «ZAKAZBILETOV. KZ كەڭسەسىنەن (ناۋرىزباي باتىر 152ا مەكەنجايىنان)، «وۆاتسيا» تۇرعىن ءۇي كەشەنىنىڭ 4 -كەڭسەسىنەن الۋعا بولادى. جۇمىس كەستەسى 10:00-18:00 ارالىعى. بيلەتتەر ءۇزىلىسسىز، سەنبى جانە جەكسەنبى- دەمالىس كۇندەرى دە ساتىلادى. سونداي-اق، بالۋان شولاق اتىنداعى مادەنيەت جانە سپورت سارايى عيماراتىنداعى - «Visit Almaty» ورتالىعىنان بيلەت الۋعا بولادى»، - دەلىنگەن حابارلامادا.
ەستەرىڭىزگە سالا كەتەيىك، وسىعان دەيىن قانات يسلامنىڭ قارسىلاسى بەلگىلى بولعانىن جازعان ەدىك.
اتالعان بوكس كەشىندە باستى جەكپە-جەك قانات يسلام (26-0، 21 ك و) مەن ناميبيالىق ۋولتەر كاۋتوندوكۆا (18-1، 17 ك و) اراسىندا وتەدى. ال وسى بوكس كەشى اياسىندا تاعى ارمان رىسبەك (6-0، 5 ك و)، رۋسلان مىرساتايەۆ (6-0، 6 ك و)، اسقار ەرۋبەك (1-0، 1 ك و)، نۇرسۇلتان امانجولوۆ (1-0، 0 ك و) پەن بەكسۇلتان راۋشانوۆتىڭ (5-1، 3 ك و) جەكپە-جەكتەرى جوسپارلانعان.
