مەملەكەت باسشىسى ل ر ت قۇرىلىسى تۋرالى: امال جوق

نۇر-سۇلتان. قازاقپارات - استانا ل ر ت قۇرىلىسىنىڭ ءبىرىنشى كەزەڭىن اياقتاۋدىڭ ناقتى مەرزىمىن ايقىنداۋ كەرەك.

بۇل تۋرالى نۇر-سۇلتان قالاسىنىڭ اكىمدىگىندە ءوتىپ جاتقان ەلوردانى ودان ارى دامىتۋ ماسەلەلەرى جونىندەگى ماجىلىستە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«ل ر ت ۇزاقتىعى 22,5 شاقىرمدى قۇرايدى، 18 ستانسا جوسپارلانعان. تىڭداڭىزدارشى، سىزدەر مارافون جارىسىندا 22 شاقىرىمنان دا كوپ جۇگىرەسىزدەر. 18 ستانسا، دەمەك جولدىڭ ءبىر بولىگى ءبىر شاقىرىمنان ءسال عانا اسادى. ءبىز جاياۋ ودان دا كوپ جۇرەمىز»، - دەدى مەملەكەت باسشىسى.

قازاقستان پرەزيدەنتى مۇنداي جوبانىڭ باستاپقى كەزدەن-اق ماقساتقا ساي بولماعاندىعىن اتاپ ءوتتى.

«مۇنداي جوبانى قالاي جۇزەگە اسىرۋعا رۇقسات بەرىلگەندىگىن مۇلدەم تۇسىنبەيمىن. ۇكىمەت پەن اكىمدىككە لرت ءبىرىنشى كەزەڭىن اياقتاۋدىڭ ناقتى مەرزىمىن، ەكىنشى كەزەڭىن اياقتاۋدىڭ كەستەسى مەن تەتىكتەرىن انىقتاۋدى تاپسىرامىن. امال جوق»، - دەدى ق. توقايەۆ.

ەسكە سالساق، پرەزيدەنت ل ر ت قۇرىلىسىن جەدەلدەتۋدى تاپسىردى. بۇعان دەيىن ل ر ت- نىڭ قۇرىلىسى ۋاقىتشا توقتاتىلعانى تۋرالى حابارلاعان بولاتىنبىز.

اۆتور: مارلان جيەمباي