بىرنەشە شەتەلدىك اۋە كومپانياسى قازاقستان نارىعىنا كىرمەك

«بۇگىنگى كۇنى قازاقستاننىڭ 26 شەتەل مەملەكەتىمەن 99 حالىقارالىق باعىت بويىنشا اۋە قاتىناسى بار. ياعني، ەلىمىزدە اپتاسىنا 26 شەتەلدىك جانە 3 قازاقستاندىق اۋە اكومپانيا 430 رەيس ورىندايدى. بىرنەشە جىل بۇرىن 3 شەتەلدىك كومپانيا (اۆستريالىق اۆياجەلىلەر، چەح اۆياجەلىلەرى، ك ل م) ەلىمىزگە كوممەرتسيالىق سەبەپتەرگە بايلانىستى ۇشۋدى توقتاتقان ەدى. الايدا قازىرگى ۋاقىتتا مينيسترلىك ەلىمىزگە ۇشۋ تارتىمدىلىعىن ارتتىرۋ بويىنشا شارالار قابىلدادى. ءبىرقاتار شەتەلدىك تاسىمالداۋشىلاردىڭ قازاقستان نارىعىنا شىعۋ جوسپارى بار. جاقىن بولاشاقتا «ەmirates» (دۋباي، 2021 -جىلى)، «Qatar Airways» (دوحا، 2020 -جىلى)، «China Eastern» (شاڭحاي، 2021 -جىلى)، ورال اۆياجەلىلەرى، پوبەدا جانە تاعى باسقا اۋە كومپانيالاردىڭ كەلۋى كۇتىلىپ وتىر»، - دەدى بەيبىت اتامقۇلوۆ ۇكىمەت وتىرىسىندا.

بەيبىت اتامقۇلوۆ سونىمەن قاتار، نۇر-سۇلتان، الماتى، شىمكەنت، وسكەمەن، پاۆلودار، كوكشەتاۋ، تاراز، پەتروپاۆل، سەمەي قالالارىنىڭ اۋەجايلارىندا «اشىق اسپان» رەجيمى ەنگىزىلەتىنىن ءمالىم ەتتى.

ەسكە سالا كەتسەك، بۇگىنگى ۇكىمەت وتىرىسىندا اسقار مامين قازاقستاندىق ازاماتتىق اۆياتسيا سالاسىن دامىتۋدا ءبىرقاتار تاپسىرما بەرگەن بولاتىن.

اۆتور: ايان بەكەن ۇلى