الماتىدا العاش رەت جىلقى كورمەسى ءوتىپ جاتىر

 الماتى. قازاقپارات - الماتىداعى ورتالىق اتشاباردا العاش رەت تۇقىمدىق جىلقىلاردىڭ كورمەسى ءوتىپ جاتىر.

شارانى ۇيىمداستىرۋشى «رەسپۋبليكالىق زاۋىت جىلقىلارى تۇقىمى پالاتاسى» ۇيىمداستىرعان ەرەكشە شارا قازاقستان رەسپۋبليكاسىنىڭ تۇڭعىش پرەزيدەنتى ەلباسى نۇرسۇلتان نازاربايەۆتىڭ «ۇلى دالانىڭ جەتى قىرى» ماقالاسىندا ايتىلعان «اتقا ءمىنۋ مادەنيەتىن» دامىتۋ ماقساتىندا ءوتىپ جاتىر.

«وزدەرىڭىز بىلەتىندەي الەمگە تانىمال تۇلپار - ابسەنت شىققان لۋگوۆوي جىلقى زاۋىتى ءبىزدىڭ ماقتانىشىمىز بولدى. بۇگىنگى بايگە ماۋسىمىنىڭ اياقتالۋىنا وراي وتكىزىلىپ وتىرعان شارانى بارلىعى دا وسى زاۋىتقا ارنالادى. 90 جىلعا جۋىق تاريحى بار زاۋىت ءالى دە ءوز جۇمىسىن توقتاتپاي كەلەدى» - دەدى پالاتا ديرەكتورى تالعات جايساڭبايەۆ.

كورمەنىڭ اشىلۋ سالتاناتى 1200 مەترلىك ۇشقىر بايگەمەن باستالدى.

ەلىمىزدە العاش رەت ۇيىمداستىرىلعان جىلقى كورمەسىندە ەڭ كاشكەنتاي جىلقى - ماستەكتەردەن (پوني) باستاپ، ءبىر ءوزى 10-15 توننا جۇك سۇيرەيتىن الىپتارعا دەيىن بولدى.

سونىمەن قاتار، تازا قاندى ءمىنىس جىلقىلارى مەن قازاق جىلقىسىنىڭ تۇرلەرى، اراب، اعىلشىن جىلقىلارىنىڭ تۇرلەرى كورسەتىلدى.

BAQ.KZ