ا ق ش ەۋرووداق تاۋارلارىنا تاريف ەنگىزەدى
بۇل ا ق ش پەن ەۋرووداق اراسىنداعى Airbus پەن Boeing اۋەكومپانيالارىنىڭ زاڭسىز سۋبسيديالارىنا بايلانىستى كۇرەستىڭ تاعى ءبىر قادامى، دەپ جازادى BBC.
«دۇنيەجۇزىلىك ساۋدا ۇيىمىنىڭ ەۋرووداق تاۋارلارىنا تاريف ەنگىزۋ تۋرالى شەشىمى 18 - قازاننان باستاپ كۇشىنە ەنەدى. بۇعان جاۋاپ رەتىندە بريۋسسەل امەريكالىق تاۋارلارعا دا تاريف ەنگىزەتىنىن مالىمدەدى. اقش ساۋدا وكىلدەرىنىڭ حابارلاۋىنشا، تاريفتەردىڭ %10 ى ۇشاقتارعا، %25 ى اۋىلشارۋاشىلىق جانە باسقا تاۋارلارعا بەلگىلەنگەن» دەپ جازادى باسىلىم.
اۆتوردىڭ جازۋىنشا، ۇيىم جاريالاعان تىزىمدە فرانسيا، گەرمانيا، يسپانيا مەن ۇلى بريتانيا تاۋارلارى بار.
«ەكى تاراپ تا ەندى دۇنيەجۇزىلىك ساۋدا ۇيىمىنان ەۋرووداقتىڭ ا ق ش- قا قارسى قانداي تاۋارلارعا تاريف ەنگىزە الاتىنى تۋرالى شەشىمىن كۇتۋدە. بۇل شەشىم كەلەسى جىلى شىعادى. ەۋروكوميسسيا اقش تاۋارىنا 20 ميلليارد دوللار كولەمىندە تاريف ەنگىزۋگە رۇقسات الماق» دەپ جازادى اۆتور.
ونىڭ ايتۋىنشا، ا ق ش ەڭ العاش ەۋرووداققا قارسى 2004 -جىلى تاريف ەنگىزگەن. بۇعان سەبەپ – Airbus قا بەرىلەتىن ارزان ەۋروپالىق نەسيەلەردىڭ زاڭسىز مەملەكەتتىك سۋبسيدياعا تەڭەستىرىلگەنى بولدى.
ا ق ش 11 ميلليارد دوللار كولەمىندە تاريف ەنگىزۋدى سۇراعان ەدى. ءبىراق د س ۇ 7,5 ميلليارد دوللار دەپ بەكىتتى.
