ۆاسيلي لەۆيتتىڭ الەم چەمپيوناتىنداعى سوڭعى ايقاسىنا قاتىستى باپكەرلەر سوگىس الدى

نۇر-سۇلتان. قازاقپارات - عالىمبەك كەنجەبايەۆ باستاعان بوكستان ۇلتتىق قۇرامانىڭ بارلىق باپكەرلەرىنە سوگىس جاريالاندى، دەپ حابارلايدى قازاقپارات قازاقستان بوكس فەدەراتسياسىنا سىلتەمە جاساپ.

بۇل شەشىمدى قازاقستان بوكس فەدەراتسياسىنىڭ جاتتىقتىرۋشىلار شتابى ەكاتەرينبۋرگتەگى الەم چەمپيونات ناتيجەلەرىن ساراپتاي وتىرىپ قابىلدادى.

ەسكە سالساق، ءا چ- ءنىڭ جارتىلاي فينالىندا ۆاسيلي لەۆيتتىڭ ايقاسىندا تورەشىلەر ەكۆادورلىق بوكسشىنىڭ جەڭىسىنە كۇماندى شەشىم قابىلداعان بولاتىن.

لەۆيتتىڭ سەكۋندانتتارى ايقاستىڭ ناتيجەسىنە نارازىلىق ءبىلدىرۋى كەرەك ەدى. ەرەجەگە سايكەس، جاتتىقتىرۋشىلار تورەشىلەرگە جەكپە- جەكتەن كەيىن 60 سەكۋند ىشىندە سارى قاعاز بەرۋى ءتيىس. ءبىراق، سەكۋنداندتار بۇل قۇقىقتى بىردەن پايدالانباي، ۋاقىت جوعالتىپ العان.

«ءبىز بارلىق جەكە باپكەرلەردى جانە فەدەراتسيا باسشىلارىن شاقىرىپ الدىق. ولارعا فەدەراتسيا وسىنداي جاعدايدا نە ىستەۋى، جاتتىقتىرۋشىلار نە ىستەۋى كەرەكتىگىن ايتتىق. بولاشاقتا قاتەلىكتەر قايتالانباۋى كەرەك. ءبىز بۇدان ارعى ءىس- قيمىل جوسپارىن دايىندايمىز. كوپ جۇمىس ىستەۋ كەرەك، ۋاقىت از. 2020-جىلعى جازعى وليمپيادانىڭ ليتسەنزيالىق تۋرنيرىنە ءتورت اي قالدى. ءبىزدىڭ بارلىعىمىزدا - بوكسشىلار، جاتتىقتىرۋشىلار جانە فەدەراتسياعا ۇلكەن جاۋاپكەرشىلىك ارتىلىپ وتىر، - دەدى قازاقستان بوكس فەدەراتسياسىنىڭ جاتتىقتىرۋشىلار قۇرامىمەن جۇمىس جونىندەگى ۆيتسە-پرەزيدەنتى يۋري تسحاي.

جالپى، باپكەرلەر شتابى الەم كۋبوگىنداعى كوماندانىڭ ناتيجەسىن وڭ باعالاعان. 26- قاراشادا بىرنەشە سپورتشى - ساكەن بيبوسىنوۆ، ءساناتالى تولتايەۆ، ايبەك ورالباي، ريمما ۆولوسەنكو جاپونياعا تەستتىك تۋرنيرگە بارادى. ول تۋرنيردىڭ ناتيجەلەرى وليمپيادانىڭ ىرىكتەۋى رەتىندە ەسەپتەلمەيدى. تۋرنير جاپوندىق تاراپ وتكىزەدى.

سونىمەن قاتار، 2019-جىلدىڭ اياعىندا ەرلەر كومانداسى 10- قاراشادا گوللانديا قۇراماسىمەن جەكپە-جەك وتكىزىپ، بىرلەسكەن جاتتىعۋ جاساۋ ءۇشىن نيدەرلاندىعا بارادى. جەلتوقساندا ءبىزدىڭ بوكسشىلار ەلىمىزدە وقۋ-جاتتىعۋ جيىندارىن وتكىزسە، كەلەسى جىلدىڭ اقپان ايىندا ولار ازيا كۆاليفيكاتسيالىق تۋرنيرىندە وليمپيادالىق ليتسەنزيا ءۇشىن قىتايدا شارشى الاڭعا شىعادى.