قازاقستان پرەزيدەنتى ءۇش اپتادا ءۇش الىپ ەلدىڭ باسشىلارىمەن كەزدەستى
«قازاقستان پرەزيدەنتى قاسىم-جومارت توقايەۆ سوڭعى 3 اپتادا الەمدەگى 3 الىپ ەلدىڭ باسشىسىمەن كەزدەستى»، - دەپ جازعان پرەزيدەنتتىڭ باسپا ءسوز حاتشىسى بەرىك ءۋالي Instagram-دا كەزدەسۋلەر بارىسىنداعى فوتولارمەن ءبولىستى.
ەسكە سالا كەتسەك، 13- قىركۇيەكتە مەملەكەت باسشىسى قاسىم-جومارت توقايەۆ ق ح ر ءتوراعاسى شي جينپيڭمەن كەزدەسكەن بولاتىن. كەلىسسوزدەر بارىسىندا پرەزيدەنت قىتاي ءتوراعاسىن قازاقستانعا رەسمي ساپارمەن شاقىردى. ونىڭ ناقتى مەرزىمدەرىن سىرتقى ىستەر مينيسترلىگى ديپلوماتيالىق ارنالارمەن پىسىقتايتىن بولادى.
اراعا ەكى اپتاداي ۋاقىت سالىپ مەملەكەت باسشىسى قاسىم-جومارت توقايەۆ ب ۇ ۇ باس اسسامبلەياسى 74- سەسسياسىنىڭ رەسمي ءىس-شارالارى اياسىندا ا ق ش پرەزيدەنتى دونالد ترامپپەن قىسقا كەزدەسۋ وتكىزدى. اڭگىمەلەسۋ بارىسىندا ەكى ەل كوشباسشىلارى قازاقستان مەن امەريكانىڭ كەڭەيتىلگەن ستراتەگيالىق سەرىكتەستىگىنىڭ وزەكتى ماسەلەلەرى مەن پەرسپەكتيۆالارىن تالقىلادى. قاسىم-جومارت توقايەۆ ا ق ش- پەن ساياسي، ساۋدا-ەكونوميكالىق، گۋمانيتارلىق، سونداي-اق وڭىرلىك جانە جاھاندىق قاۋىپسىزدىكتى قامتاماسىز ەتۋ سالالارىنداعى جان-جاقتى قارىم-قاتىناستاردى ودان ءارى نىعايتۋدى جالعاستىرا بەرەتىنىن اتاپ ءوتتى.
سونداي-اق، بۇگىن سوچيدە قازاقستان پرەزيدەنتى قاسىم-جومارت توقايەۆتىڭ رەسەيلىك ارىپتەسى ۆلاديمير پۋتينمەن ەكىجاقتى كەزدەسۋى ءوتتى. ەكى ەل كوشباسشىلارىنىڭ كەزدەسۋى «ۆالداي» حالىقارالىق پىكىرتالاس كلۋبىنىڭ XVI جىل سايىنعى وتىرىسى الاڭىندا ۇيىمداستىرىلدى.
