ەلىمىزگە ارمەنيادان اكەلىنەتىن كولىكتەر ءۇشىن كەدەن سالىعى وسەدى

سەبەبى، كەلەر جىلدان باستاپ كەدەن سالىعى وسەدى، دەپ حابارلايدى «حابار 24».

بۇل اقپارات جەرگىلىكتى تۇرعىندار اراسىندا دۇربەلەڭ تۋعىزىپ، ازاماتتار جىل سوڭىنا دەيىن بارىنشا كوپ كولىك ساتىپ الۋعا ۇمتىلاتىن سەكىلدى.

نوراگاۆيت - ارارات كەدەن ءبولىمىنىڭ ءبىرى. سىرتتان كەلەتىن كولىكتىڭ %70 وسى جەردە راسىمدەلەدى. كۇنىنە 600 كولىككە دەيىن تىركەپ، قۇجات بەرەدى. جەڭىلدىكتى پايدالانىپ قالعىسى كەلەتىندەر كوپ، سوندىقتان مۇندا ۇنەمى ۇزاق-سونار كەزەك.

ەسەسىنە ەرەۆاندا كولىك سانى شامادان تىس ارتىپ، كوشەلەردە كەپتەلىس پايدا بولدى. قاڭتار ايىنان بەرى قالاعا 100 مىڭنان استام كولىك اكەلىنگەن. بۇل وتكەن جىلعىمەن سالىستىرعاندا 2,5 ەسە ارتىق. جاز ايلارىندا ساتىپ الۋشىلاردىڭ بەلسەندىلىگى ءتىپتى ارتادى.

گاريك ميناسيان، ارمەنيا كىرىس كوميتەتىنىڭ ءتاريفتى رەتتەۋ جانە باقىلاۋ ءبولىمى باسشىسىنىڭ مىندەتىن اتقارۋشى:

- ەگەر ەلگە كولىكتى جەكە تۇلعا ءوزىنىڭ قاجەتى ءۇشىن اكەلەتىن بولسا، ەۋرازيالىق ەكونوميكالىق وداقتىڭ سالىق كودەكسىنە سايكەس تاسىمال مەن ساقتاندىرۋ شىعىنى ونىڭ قۇنىنا قوسىلمايدى.

مىسالى، قازىر 3300 دوللار تۇراتىن كولىككە كەدەن سالىعى 10، قوسىمشا قۇن سالىعى 20، ال ەكولوگيالىق الىم %10 بولادى. جالپى ەسەپتەگەندە 1400 دوللار شىعادى. ال 2020-جىلدان باستاپ شەتەلدەن اكەلىنەتىن كولىككە ءار كۋب سانتيمەترىنە 5 ەۋرودان الىنادى. سوندا جالپى كەدەندىك تولەم 12800 ەۋرو بولادى. قازىر كەدەن كوميتەتى جىل سوڭىنا تامان توتەنشە جاعدايدى بولدىرماس ءۇشىن تۇتىنۋشىلارعا جاڭا ءتارتىپتى جان-جاقتى تۇسىندىرۋدە.

قىسقاسى، كەلەسى جىلى دالىرەك ايتقاندا، 1- قاڭتاردان باستاپ جەڭىلدىكتەر كۇشىن جويادى. كولىكتى ارزان اقشاعا تىركەۋ مۇمكىن بولمايدى.

گاريك ميناسيان، ارمەنيا كىرىس كوميتەتىنىڭ تاريفتى رەتتەۋ جانە باقىلاۋ ءبولىمى باسشىسىنىڭ مىندەتىن اتقارۋشى:

- ەگەر جەكە تۇلعا جەلتوقساننىڭ 31 ىنە دەيىن ەلگە كولىك اكەلىپ، جولاۋشى كەدەن مالىمدەمەسىن تولتىراتىن بولسا، وندا سالىقتار دا جەڭىلدىكپەن ەسەپتەلەدى. ال ەگەر دەكلاراتسيا قاڭتاردىڭ 1 ىندە راسىمدەلسە، وندا سالىق جاڭا تالاپ بويىنشا الىنادى.

ارمەنيا - ەۋرازيالىق ەكونوميكالىق وداققا مۇشە مەملەكەت. سوندىقتان بۇل ەلدەگى جاعداي ەۋرازيالىق ەكونوميكالىق كوميسسيانىڭ 2017-جىلعى شەشىمىمەن رەتتەلەدى. ال جاڭا ءتارتىپتىڭ قولدانىلۋىنا 89 كۇن قالدى.

www.24.kz