ەلورداعا گاز قاشان جەتەدى - ەنەرگەتيكا مينيسترلىگى

بۇل تۋرالى بۇگىن ۇكىمەت ۇيىندەگى باسپا ءسوز ءماسليحاتىندا ق ر ەنەرگەتيكا ءبىرىنشى ۆيتسە- ءمينيسترى ماحامبەت دوسمۇحامبەتوۆ ايتتى، دەپ حابارلايدى قازاقپارات ءتىلشىسى.

«كەستەگە سايكەس ءبىز «سارىارقا» گاز قۇبىرىن وسى جىلى اياقتاۋىمىز قاجەت. وزدەرىڭىزدە بىلەتىندەي، ونىڭ ۇزىندىعى 1061 شاقىرىمدى قۇرايدى. قازىرگى ۋاقىتتا كەمىندە 1050 شاقىرىم قۇبىر دانەكەرلەندى. ەندىگى ۋاقىتتا ونى توسەۋ جۇمىستارى جۇرگىزىلىپ جاتىر. ياعني، تاياۋ ۋاقىتتىڭ ىشىندە قۇبىرعا قاتىستى جۇمىستار اياقتالادى»، - دەدى ول ب ا ق وكىلدەرىنىڭ ساۋالىنا وراي.

ماحامبەت دوسمۇحامبەتوۆتىڭ اتاپ وتۋىنشە، اۆتوماتتاندىرىلعان 5 گاز تاراتۋ ستانساسى جوبالانىپ، قاجەتتى قۇرىلعىلار تولىق ساتىپ الىنعان. بۇگىندە مەردىگەرلەر مونتاجداۋ جۇمىستارىن تولىق كولەمدە ورىنداپ جاتىر. وسى جىلدىڭ جەلتوقسان ايىندا اتالعان 5 ستانسانىڭ جەلىلىك بولىگى اياقتالادى.

سونىمەن قاتار ول ەلوردا تۇرعىندارىنا كوگىلدىر وتىن بەرۋ ماسەلەسىنە توقتالدى.

«گازداندىرۋعا قاتىستى ايتار بولسام، جەلىلىك گاز قۇبىرى مەن اۆتوماتتاندىرىلعان گاز تاراتۋ ستانساسىنان بولەك گازدى تاراتۋ جەلىلەرى بار. جۇمىستىڭ بۇل بولىگىنە جەرگىلىكتى اتقارۋشى ورگاندار جاۋاپ بەرەدى. مەنىڭ بىلۋىمشە، بۇل جۇمىستار جۇرگىزىلىپ جاتىر. نۇر-سۇلتان قالاسى بويىنشا جىلۋ ەلەكتر ستانساسى مەن تۇرعىن ءۇي الاپتارىن گازداندىرۋدىڭ 9 كەزەڭىن قامتيتىن ءبىرىنشى ىسكە قوسۋ كەشەنىن كەلەسىجىلدىڭ كۇزىندە اياقتاۋ جوسپارلانعان. قاراعاندىدا بۇعان قاراعاندا جۇمىستار جىلدامىراق جۇرگىزىلىپ جاتىر»، - دەدى ماحامبەت دوسمۇحامبەتوۆ.

اۆتور: مارلان جيەمباي