ءوزىڭدى دامىتۋدىڭ ءبىر قادامى - وزىڭە تالاپ قويۋ

نۇر-سۇلتان.قازاقپارات -ءوزىڭدى دامىتۋ - ادامنىڭ ءوز- وزىمەن جۇمىس جاساۋعا، زياتكەرلىك، رۋحاني جانە فيزيكالىق سالادا دامۋعا، تۇلعالىق قابىلەتتەرىن جەتىلدىرۋگە جانە دارىنىن اشۋعا دايىن بولۋى.

ءوزىڭدى دامىتۋ - كەز كەلگەن ۋاقىتتا توقتاتا سالۋعا بولاتىن حوببي ەمەس. ول ۇزدىكسىز پروتسەسس. كەز كەلگەن كۋرستار، جاتتىعۋلار، كىتاپتار نەمەسە فيلمدەر قانداي دا ءبىر پايداسىن بەرىپ، ءسىزدى العا قاراي جىلجىتۋ كەرەك.

ايتپەسە، ولارعا جۇمساعان ۋاقىتىڭىز بەكەرگە كەتىپ، العان ءبىلىمىڭىز بەن داعدىڭىزدىڭ پايداسىز بولعانى.

ءوزىڭدى دامىتۋدىڭ ءبىر قادامى - وزىڭە تالاپ قويۋ. تالاپ قويۋ ءومىردىڭ كەز كەلگەن سالاسىنا قاتىستى: سپورت، تاماقتانۋ، كاسىبي مانساپ، ءۇي جۇمىسى، قارجى سۇراقتارى. بۇل تاجىريبەنىڭ ءمانى - ۇيرەنشىكتى ىستەردىڭ اراسىنان قالاۋىڭىز بەن دارىنىڭىزدى ەسكە الۋ. تالاپ قويۋ: - قاجەت ەمەس ارەكەتتەردى قويىپ، باسىم ىستەرگە نازار اۋدارۋعا ۇيرەتەدى؛ - ميدى ىنتالاندىرادى؛ - «جايلى ايماقتان» شاعارادى؛ - تارتىپكە ۇيرەتەدى؛ - كەلەسى ەرلىك جاساۋعا ەنەرگيا سىيلايدى. ءبىر اي بويى كۇندە جاساۋعا بولاتىن يدەيالار ءتىزىمى:

1. تەلەديدار قوسپاۋ

2. جۇمىسقا ۆەلوسيپەدپەن بارۋ

3. كوفە نەمەسە ەنەرگەتيكالىق سۋسىن ىشپەۋ

4. 30 شەتەلدىك ءسوز ۇيرەنۋ

5. بارلىق شىعىندى جازىپ ءجۇرۋ

6. ۇيقىدان (دەمالىس كۇندەرى دە) ادەتتەگىدەن 30 مينۋت ەرتە تۇرۋ

7. اينالاداعى ادامدارعا قوشەمەت سوزدەر ايتۋ

8. جۇمىسقا تاماقتى ۇيدەن ءپىسىرىپ اكەلۋ

9. 1 ساعات جاياۋ ءجۇرۋ

10. ەشكىمدى (ءوزىڭىزدى دە) كىناراتتاماۋ

11. ءبىر كەرەك ەمەس زاتتان لاقتىرۋ

12. ۇيقىدان تۇرعان بويدا 1 ستاقان سۋ ءىشۋ

13. جاڭا تاعام ءپىسىرۋ

14. 5 قىزىقتى يدەيادان ويلاپ تابىپ، جازىپ ءجۇرۋ

15. كۇنى بويى ورىن العان 3 قۋانىشتى وقيعانى جازۋ مىنا ىستەردى جۇرەك قالاۋىنا قاراي ىستەۋگە بولادى: 1. تۋعان قالاڭىزعا نەمەسە تۇرىپ جاتقان قالاڭىزعا ەكسكۋرسيا جاساۋ 2. كەز كەلگەن كاستينگكە بارۋ 3. ءوزىڭىزدىڭ قولىڭىزدان جاقسى كەلەتىن نارسەنى بىرەۋگە ۇيرەتۋ 4. كولىك ايداپ ۇيرەنۋ 5. ۇيگە تولىق تازالاۋ جۇمىسىن جاساۋ 6. قاجەت ەمەس زاتتاردى ساتىپ جىبەرۋ نەمەسە تاراتىپ بەرۋ 7. اتاقتى اداممەن سەلفي جاساۋ 8. تانىمايتىن توپتىڭ كونسەرتىنە بارۋ

ال مىناۋ قيىن تاپسىرمالاردان قورىقپايتىن ادامدارعا ارنالعان يدەيالار ءتىزىمى: 1. مارافوندى جۇگىرىپ ءوتۋ 2. كىتاپ جازۋ 3. جىلدام وقۋ بويىنشا كۋرستى اياقتاۋ 4. ونلاين- كۋرستان ءوتۋ 5. 52 كىتاپتان تۇراتىن ءتىزىم جاساپ، ءبىر جىلدا وقىپ ءبىتىرۋ (اپتاسىنا 1 كىتاپ) 6. «مەيىرىمدى ىستەر» مارافونىن ۇيىمداستىرۋ وزىڭىزگە تالاپ قويۋ كەزىندە العاشقى ۋاقىتتا ىڭعايسىز، قىزىقسىز، قۋانىشسىز جانە قورقىنىشتى بولادى، ءبىراق كەيىن بارلىق نەگاتيۆتى ساتتەر ءبىر جاعىمدى اسەرگە جيناقتالادى. ءار سىناقتان سوڭ باسقاشا - مىقتى، باتىل، كرەاتيۆتى، ماقساتتى بولا تۇسەسىز. ءوزىڭىزدى جەڭگەنىڭىزدى تۇسىنگەن كەزدە ودان دا كوپ ەنەرگيا مەن كۇشكە بولەنەسىز.

Massaget.kz