قازاقستاننىڭ قاي وڭىرلەرىندە جالاقى جوعارى
وسى جىلدىڭ قاڭتار-قىركۇيەگى ارالىعىنداعى مالىمەتتەرگە جاسالعان تالداۋدىڭ ناتيجەسى بويىنشا، بوس جۇمىس ورىندارىن ۇسىناتىن بەلسەندى وڭىرلەردىڭ قاتارىنا الماتى (%43,29)، نۇر-سۇلتان (%20,37)، قاراعاندى (%5,98)، اتىراۋ (%5,66) جانە شىمكەنت (%4,07) قالالارى ەندى.
جۇمىس بەرۋشىلەر كەلەسىدەي سالالاردا ۆاكانسيالاردى ءجيى ورنالاستىرادى: ساۋدا-ساتتىق (%25,16)، بۋحگالتەريا، باسقارۋشىلىق ەسەپ-قيساپ، كاسىپورىنداردىڭ قارجىسى (%11,60)، اكىمشىلىك پەرسونال، بانكتەر، ينۆەستيتسيالار، ليزينگ (%9,15)، اقپاراتتىق تەحنولوگيالار، عالامتور، تەلەكوم (%9,04).
HeadHunter يندەكسىنە سايكەس، نۇر-سۇلتان، الماتى، اتىراۋ، پەتروپاۆل، پاۆلودار، وسكەمەن، قوستاناي، قاراعاندى قالالارىندا ءبىر بوس جۇمىس ورنىنا 4 ۇمىتكەردەن كەلەدى. بۇل، ەڭبەك نارىعىنىڭ قالىپتى جاعدايىن كورسەتەدى.
ورال، تالدىقورعان، شىمكەنت، تۇركىستان، كوكشەتاۋ قالالارىندا ءبىر ۆاكانسياعا 4-6 تۇيىندەمە جىبەرىلەدى. بۇل، ەڭبەك نارىعى جاعدايىنىڭ كۇردەلىلىگىن بىلدىرەدى. ال اقتوبە، اقتاۋ، تاراز جانە قىزىلوردا قالالارىندا جۇمىس ىزدەۋشىلەر اراسىندا باسەكەلەستىك دەڭگەيى جوعارى.
سونداي-اق ينتەرنەت-سەرۆيس ايلىق ەڭبەكاقى بويىنشا مالىمەتتەردى ۇسىندى.
قازاقستان باتىسىنداعى قالالار جالاقى مولشەرى جاعىنان الدىڭعى قاتاردا تۇر. 2 ميلليون تەڭگە كولەمىندەگى جوعارى جالاقىنى اتىراۋدىڭ جۇمىس بەرۋشىلەرى ۇسىنادى. سونداي-اق، قوماقتى ەڭبەكاقى تولەيتىن قالالاردىڭ قاتارىندا اقتاۋ، اقتوبە، الماتى، نۇر-سۇلتان بار.
ال تاراز، تۇركىستان، شىمكەنت شاھارلارى كەستەنىڭ ەڭ سوڭعى ورنىندا ورنالاسقان. مۇنداعى ەڭ جوعارى جالاقى مولشەرى 500-540 مىڭ تەڭگەنى قۇرايدى.