پاريجدە فرانسۋز تىلىندە قازاق ادەبيەتىنىڭ انتولوگياسى تانىستىرىلدى

فرانسۋز تىلىندەگى قازاق ادەبيەتى جيناقتارىن اۋدارۋ جانە باسىپ شىعارۋ جوباسى پاريجدىڭ ءبىرىنشى وكرۋگىنىڭ مەرياسى مەن ەلوردالىق مادەني قاۋىمداستىقتىڭ قولداۋىمەن جۇزەگە اسىرىلدى.

ولاردىڭ ۇسىنىستارىنا سايكەس، انتولوگيانى ايگىلى ادەبيەت باسپاسى ميشەل دە ميۋل (Michel de Maule) باسىپ شىعاردى. ونىڭ ونەر مەن ادەبيەتتى ناسيحاتتاۋ ءۇشىن اۋدارما جانە باسپا سالاسىندا 30 جىلدان استام تاجىريبەسى بار. باسپانىڭ باس رەداكتورى، ايگىلى فرانسۋز لينگۆيستى جانە اقىنى تەرري- دە- لا- كرۋا (Thierry de La Croix) ارىپتەستەرىنىڭ باستى مىندەتى اۋدارمانىڭ جوعارى كوركەمدىك دەڭگەيىن قامتاماسىز ەتۋ ەكەنىن اتاپ ءوتتى.

«بۇعان بىزگە قازاقستانعا ساپار جانە اۆتورلارمەن تىكەلەي بايلانىس كومەكتەستى. ءبىزدىڭ وتە تانىمال شىعارماشىلىق ۇجىمىمىز ۇلكەن جۇمىس ىستەدى جانە ءبىز ونىڭ ناتيجەسىمەن ماقتانامىز» ، - دەدى باسپاگەر.

تۇساۋكەسەرگە ورتالىق ەلوردالىق وكرۋگتىڭ ءمەرى جان- فرانسۋا لەگارە (Jean-François Legaret) ، پاريج مادەني بىرلەستىگىنىڭ پرەزيدەنتى مادام كارلا اريگوني (Carla Arigoni) ، فرانسۋز وقىرماندارىنا قازاق ادەبيەتىن ۇسىنعان جيناقتاردىڭ العى ءسوزىنىڭ اۆتورلارى - فرانسيا اكادەمياسىنىڭ تۇراقتى حاتشىسى ەلەن كاررەر د’انكو مەن ايگىلى فرانسۋز اقىنى ۆەرنەر لامبەرسي، سونداي- اق اۋدارماشىلار، جازۋشىلار، جۋرناليستەر جانە قازاقستاننىڭ فرانسياداعى ەلشىلىگىنىڭ جانىنداعى قازاقستان دوستارى كلۋبىنىڭ مۇشەلەرى قاتىستى.

قازاقستان تاراپىنان شاراعا ق ر پرەزيدەنتىنىڭ كومەكشىسى، «رۋحاني جاڭعىرۋ» باعدارلاماسىن جۇزەگە اسىرۋ بويىنشا ۇلتتىق كوميسسيا حاتشىسى ايدا بالايەۆا، ق ر فرانسياداعى توتەنشە جانە وكىلەتتى ەلشىسى جان عاليەۆ، ۇلتتىق اۋدارما بيۋروسىنىڭ اتقارۋشى ديرەكتورى راۋان كەنجەحان ۇلى، قازاقستان جازۋشىلار وداعى ءتوراعاسىنىڭ ورىنباسارى اقبەرەن ەلگەزەك قاتىستى.

ايدا بالايەۆا ءوز سوزىندە قازىرگى قازاق ادەبيەتىنىڭ ۇلگىلەرىن اۋدارۋ، جاريالاۋ جانە تاراتۋ «جاھانداعى زاماناۋي قازاقستاندىق مادەنيەت» جوباسىنىڭ اجىراماس بولىگى، ونىڭ مىندەتى - قازاقستاندىق كينو، تەاتر، ونەر مەن مۋزىكانى كەڭىنەن ناسيحاتتاۋ ەكەنىن ايتتى.

«ءبىراق، ءبارى ادەبيەتىمىزگە نەگىزدەلگەن، بۇل حالىق رۋحىنىڭ وزەگى. سوندىقتان قازىرگى 60 قازاقستاندىق اۆتوردىڭ تاڭداۋلى تۋىندىلارىن ءبىر ۋاقىتتا بۇ ۇ - نىڭ 6 تىلىنە اۋدارۋ جانە باسىپ شىعارۋ ءبىزدىڭ بۇكىل مادەنيەتىمىز ءۇشىن ماڭىزدى وقيعا» ، - دەدى ا. بالايەۆا.

فرانسۋز تىلىندە ۇسىنىلعان باسىلىمدار بارلىق ءىرى فرانسۋزتىلدى ەلدەرگە جەتكىزىلىپ، ءىرى كىتاپحانالار، ۋنيۆەرسيتەتتەر مەن اكادەميالىق ورتالىقتاردىڭ قورلارىنا جىبەرىلەدى. جالپى العاندا، 220 ميلليون ادامدىق اۋديتورياسى بار 30 دان استام ەلدەگى 5 مىڭنان استام ۇيىم قامتىلادى.

زاماناۋي قازاق ادەبيەتىنىڭ ۇزدىك ۇلگىلەرىنىڭ ب ۇ ۇ 6 تىلىنە اۋدارماسى «جاھانداعى زامانۋي قازاقستاندىق مادەنيەت» جوباسى اياسىندا جۇزەگە اسىپ وتىر. جوبا، ءوز كەزەگىندە، قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن. نازاربايەۆتىڭ باستاماسىمەن قولعا الىنعان «رۋحاني جاڭعىرۋ» باعدارلاماسىنىڭ ماڭىزدى باعىتى سانالادى. «جاھانداعى زاماناۋي قازاقستاندىق مادەنيەت» جوباسىنىڭ مىندەتى - قازىرگى زامانعى قازاقستاننىڭ ادەبيەت، مۋزىكا، بەينەلەۋ ونەرى، حورەوگرافيا، كينو جانە تەاتر سالالارىنداعى مادەني قازىناسىن الەم جۇرتشىلىعىنا تانىستىرۋ.