ەتتى نەگە جۋۋعا بولمايدى؟

بۇل تۋرالى رامبلەر سايتى جازادى.

ەگەر دە ءسىز وسى كۇنگە دەيىن قولدانار الدىندا ەتتى جۋساڭىز، بۇنى جاساۋدىڭ قاجەتى جوق ەكەنىن ەسكەرىڭىز. بۇعان ەكى ءتۇرلى سەبەپ بار.

ءبىر كەسەك ەتتەن باكتەريالار مەن ميكروورگانيزمدەردەن ارىلتامىن دەپ ونى جۋعاندا تەك جاعدايدى ۋشىقتىرىپ جىبەرەتىن بولىپ تۇرمىز.

ەتتى جۋعان كەزدە باكتەريالاردىڭ بەلسەندىلىگى ودان سايىن ارتا تۇسەدى دە، ونىڭ تەز تارالۋىنا سەپتىگىن تيگىزەدى. كوپتەگەن ميكروورگانيزمدەر سۋمەن بىرگە اعىپ كەتپەيدى، ولار راكوۆينانىڭ قابىرعالارى، ىدىستا جانە تاقتايدا قالىپ قويادى. ولاردى كەتىرۋ وتە قيىن، كەسىرىنەن ادام ۋلانىپ قالۋى دا مۇمكىن. اسىرەسە بۇل تاۋىق ەتىنە قاتىستى. تاۋىق ەتى - وزدەرىڭىز بىلەتىندەي سالمونەللەزدىڭ وشاعى. سۋ تامشىلارىمەن بىرگە سالمونەللا (قىلاۋ) اس ۇيدە 1 مەتر جەرگە دەيىن شاشىراۋى مۇمكىن. ەندى قاۋىپتىڭ دەڭگەيىن ءتۇسىنىپ وتىرعان شىعارسىز.. .

ال ەندى ەكىنشى سەبەپكە كەلەتىن بولساق، بۇل ءبىرىنشى سەبەپ سەكىلدى اسا قاۋىپتى ەمەس، دەگەنمەن جاعىمسىز جاعداي. ەتتى جۋعان كەزدە اسىرەسە ىستىق سۋمەن جۋعاندا ەتتىڭ مولەكۋليارلى قۇرامى بۇزىلادى. سونىڭ كەسىرىنەن جانىشتالعان ەت (وتبيۆنىە) دۇرىس قۋىرىلمايدى. ەت قۋىرىلماي، تەك بۇقتىرىلىپ، ءوزىنىڭ ءدامى مەن حوش يىسىنەن ايىرىلادى.

نە ىستەۋ كەرەك؟

تاماق دايىنداۋ كەزىندە ەتتى تەك قاعاز سۇلگىمەن ءسۇرتىپ السا جەتكىلىكتى. ەندى ەتتى قۋىرىپ، بۇقتىرا بەرسە بولادى.

ەگەر ءسىز ەتتىڭ بەتىندە قانداي دا ءبىر كىر، نە جابىسىپ قالعان قاعاز سۇرتكەنگە كەتپەي جاتسا تەز عانا كراننان اعىپ تۇرعان سۋعا ءبىر شايىپ الۋعا بولادى، تەك سۋدى شاشىراتىپ الماڭىز. بۇدان كەيىن ەتتى قۇرعاعانشا قاعاز سۇلگىمەن جاقسىلاپ قۇرعاتۋ قاجەت. قولدانىپ بولعان سوڭ سۇلگىنى بىردەن قوقىس جاشىگىنە تاستاعان ءجون.