كيپر پرەزيدەنتىنىڭ ۇشاعى اينەگىندەگى جارىققا بايلانىستى نيۋ-يورككە قايتىپ كەلدى
نيۋ-يورك. قازاقپارات - كيپر پرەزيدەنتىنىڭ ۇشاعى اينەگىندەگى جارىققا بايلانىستى نيۋ-يوركتەگى اۋەجايعا قايتىپ كەلدى، دەپ حابارلايدى قازاقپارات كيپردىڭ اقپارات اگەنتتىگىنە سىلتەمە جاساپ.
كيپر پرەزيدەنتى نيكوس اناستاسياديستىڭ ۇشاعى ا ق ش-تان لوندونعا بەت العان. ول سەنبىدەن جەكسەنبىگە قاراعان ءتۇنى كابينانىڭ الدىڭعى تەرەزەسىندەگى جارىققا بايلانىستى نيۋ- يورككە قايتىپ كەلدى.
«ۇشاق نيۋ-يوركتەگى دجون فيتسدجەرالد كەننەدي اتىنداعى اۋەجايدان سەنبى تۇستەن كەيىن اتتانعان. اتلانت مۇحيتىنىڭ ۇستىندە ءۇش ساعات ءجۇرىپ وتكەن سوڭ عانا پيلوت اقاۋدى بايقاپ، قاۋىپسىزدىك ءۇشىن كەرى ورالۋ جونىندە شەشىم قابىلداعان»، دەلىنگەن حابارلامادا.
بورتتا پرەزيدەنت، ونىڭ جۇبايى اندري اناستاسياديس، كيپر سىرتقى ىستەر ءمينيسترى نيكوس حريستودۋليديس، مينيستر دارەجەسىندەگى كيپر ۇكىمەتىنىڭ رەسمي وكىلى پرودروموس پرودرومۋ جانە ب ا س ۇ ا دا كيپرلىك دەلەگاتسيا وكىلدەرى بولعان.
ەندى ۇشاق ا ق ش-تان جەكسەنبى اتتانۋى كەرەك.
اناستاسياديس وتكەن اپتادا نيۋ-يوركتە ب ۇ ۇ باس اسسامبلەياسىنىڭ 74-سەسسياسىنا قاتىستى.
اۋدارما: جانىبەك امانگەلدى
