ساۋد ارابياسى العاش رەت تۋريستىك ۆيزالار بەرە باستادى

بۇل تۋرالى ساۋد تۋريزم جانە ۇلتتىق مۇرا جونىندەگى كوميسسياسى ەلدەگى باستى تۋريستىك باعىتتاردىڭ بىرىنە اينالعان ءاد- ديرييا قالاسىندا وتكەن ءىس- شارادا ءمالىم ەتتى.

تاق مۇراگەرى مۇحاممەد بەن سالمان قولعا العان «Saudi Vision 2030» رەفورمالار باعدارلاماسىنىڭ باستى باعىتتارىنىڭ ءبىرى - كيكستارت ءتۋريزمى (اعىل. kick start - اۋىسپالى ماعىنادا: «جاڭارتىلعان، جاقسارتىلعان نۇسقاسىن ىسكە قوسۋ» ). باعدارلاما مۇنايدان كەيىنگى داۋىردەگى ەڭ ءىرى اراب ەكونوميكاسىن قۇرۋعا باعىتتالعان.

تۋريزم دەپارتامەنتىنىڭ باسشىسى ءال- حاتيبتىڭ ايتۋىنشا، «تۋريستەر مادەنيەت مارجاندارىن كورىپ تاڭعالادى. ولار يۋنەسكو تىزىمىنە ەنگىزىلگەن بەس نىسان، جەرگىلىكتى ۇلتتىق مادەنيەت جانە تابيعاتتىڭ كوزدىڭ جاۋىن الاتىن سۇلۋلىعى».

ونىڭ ايتۋىنشا، ساۋد كورولدىگى شەتەلدىك ايەلدەرگە ارنالعان درەسس- كود ەرەجەلەرىن وزگەرتپەك. ياعني، تۋريست ايەلدەر ارابتىڭ ەتەك- جەڭى ۇزىن كويلەگىن كيمەۋىنە بولادى. تەك سىپايى كيىنىپ جۇرسە بولعانى.

ەۋروپانىڭ 38، ازيانىڭ 7 ەلى، ا ق ش، كانادا، اۋستراليا جانە جاڭا زەلانديا تۋريستەرى ۆيزا الۋعا ونلاين ءوتىنىم بەرۋىنە بولادى.

Arab News اگەنتتىگىنىڭ حابارلاۋىنشا، ۆيزا قۇنى - 300 ريال (80 ا ق ش دوللارى).

تۋريستىك ۆيزانى الۋعا وتىنىشتەر بيىل 28 - قىركۇيەكتەن باستاپ قابىلدانادى.

قازىر ساۋد ارابياسى تۋريزمىنىڭ باستى باعىتى - قاجىلىق ساپارى. الەمنىڭ تۇكپىر- تۇكپىرىنەن مەككە مەن ءمادينانى كورۋ ءۇشىن مۇسىلماندار اعىلىپ كەلەدى.