كومىردىڭ ساپاسى مەن باعاسىن باقىلاۋعا الۋ كەرەك - التاي كولگىنوۆ

«ءار ماۋسىم سايىن جاعداي قايتالانۋدا: كەزەكتىڭ پايدا بولۋى، كومىر باعاسىنىڭ كوتەرىلۋى، حالىق كومىرمەن ۋاقتىلى قامتاماسىز ەتىلمەيدى. بۇل ماسەلەنى باقىلاۋدا ۇستاۋ قاجەت. جەكە سەكتورعا كومىردى الدىن الا جەتكىزۋ قاجەت، باعالار بەلگىلەنگەن دەڭگەيدە بولۋى ءتيىس. كومىر ساپاسى دا وتە ماڭىزدى. ساپاسىز كومىر ەكولوگياعا اسەر ەتەدى. كومىردىڭ ساپاسىن، جەتكىزىلۋىن جانە باعاسىن اۋدان اكىمدەرى مەن باسشىلارمەن بىرگە باقىلاۋدا ۇستاۋلارى قاجەت»، - دەدى ا. كولگىنوۆ.

جىل سايىن 500 مىڭ توننا كومىر تۇتىنىلادى، ەلورداعا 125 مىڭ توننا جەتكىزىلدى. وتكەن جىلمەن سالىستىرعاندا بۇل سان 2 ەسە ءوستى. جەكە سەكتورعا 105 مىڭ توننا تاسىمالداندى. وسىلايشا، قالانىڭ 11 جەرىندە كومىر ساتاتىن 8 كومپانيا انىقتالدى، كومىردىڭ بارلىق تۇرلەرىنىڭ باعاسى تىركەلگەن (11 مىڭ تەڭگەدەن 12700 تەڭگەگە دەيىن).

جىلۋ بەرۋ ماۋسىمىنا ەنەرگيا كوزدەرى جابدىقتارىنىڭ جالپى دايىندىعى %99 قۇرايدى: ج ە و-%1-100، ج ە و-%2-98، اۋداندىق قازاندىقتار - %100. سونىمەن قاتار، دەنساۋلىق ساقتاۋ نىساندارى %100  عا، تۇرعىن ءۇي قورى مەن ءبىلىم بەرۋ نىساندارى %99  عا، مادەنيەت نىساندارى %93  عا قامتىلعان . 1- قازانعا دەيىن جىلىتۋ ماۋسىمىنا دايىندىق %100 قۇرايدى.