داۋرەن ابايەۆ: مەملەكەت باسشىسىنىڭ ا ق ش- قا ساپارى وتە مازمۇندى بولدى
«ەڭ الدىمەن، مەملەكەت باسشىسىنىڭ اقش- قا ساپارى وتە مازمۇندى بولدى. ساپار بىرنەشە سەبەپ بويىنشا كوپتەن كۇتىلگەن ەدى. بىرىنشىدەن، ءبىزدىڭ پرەزيدەنت ب ۇ ۇ باس حاتشىسىنىڭ ورىنباسارى قىزمەتىن اتقارعان ءوتىلى بار مىقتى ديپلومات. سوندىقتان، مانحەتتەندەگى عيماراتتا ول ءوزىنىڭ بۇرىنعى دوستارى مەن ارىپتەستەرىنىڭ ورتاسىندا وتىردى. بۇل رەتتە بۇۇ باس حاتشىسى انتونيو گۋتەريشپەن كەزدەسۋىنىڭ جىلى اتموسفەراسىن ەرەكشە اتاپ وتۋگە بولادى»، - دەدى داۋرەن ابايەۆ «حابار» ارناسىنداعى «اشىق ديالوگ» باعدارلاماسىندا.
مينيستر ءوز سوزىندە قاسىم-جومارت توقايەۆ پرەزيدەنت رەتىندە ا ق ش- قا تۇڭعىش رەت ساپار شەككەنىن ەسكە سالدى.
«پرەزيدەنت جالپى دەباتتاعى سوزىمەن تەك حالىقارالىق وتكىر ماسەلەلەرگە عانا ەمەس، قازاقستاننىڭ ىشكى دامۋىنا كوزقاراسىن ءبىلدىردى. حالىقارالىق قاۋىمداستىققا مەنىڭشە، ءبىزدىڭ ەل دەموكراتيالىق جولدا جۇرەتىنى جايلى ماڭىزدى مەسسەدج بەرىلدى. پرەزيدەنت ءوز كوزقاراسىن وتە ۇعىنىقتى ءبىلدىردى - ءارتۇرلى پىكىرلەر مەن ءبىر ۇلت. ۇشىنشىدەن، مۇنداي اۋقىمداعى وقيعا ديپلوماتيالىق تەرمينمەن ايتقاندا «الاڭدا» ەل كوشباسشىلارىنا ءوز ارىپتەستەرىمەن كەلىسسوز جۇرگىزۋگە كەرەمەت مۇمكىندىك بەرەدى. ءبىزدىڭ پرەزيدەنت وسىلايشا بىرنەشە كەزدەسۋ وتكىزدى، ونىڭ ىشىندە پرەزيدەنت دونالد ترامپپەن جولىقتى. ءبىزدى ەكونوميكادا دا، ساياساتتا دا مىعىم سەرىكتەس قارىم-قاتىناس بايلانىستىرىپ تۇرعان ەلدەردىڭ باسشىلارىمەن جۇزدەستى»، - دەدى ول.
داۋرەن ابايەۆ قاسىم-جومارت توقايەۆتىڭ ىسكەرلىك جانە ساياسي ورتامەن كەزدەسكەنىن تىلگە تيەك ەتتى.
«سول سەبەپتى، مۇنداي ساپار ءبىزدىڭ ەل ءۇشىن وتە ماڭىزدى بولدى»، - دەدى داۋرەن ابايەۆ.
ەسكە سالا كەتسەك، بۇعان دەيىن قازاقستان پرەزيدەنتى قاسىم-جومارت توقايەۆ نيۋ-يوركتە وتكەن ب ۇ ۇ باس اسسامبلەياسىنىڭ جالپى دەباتتارىندا ءسوز سويلەگەنىن حابارلاعان بولاتىنبىز.
ب ۇ ۇ باس اسسامبلەياسى اياسىندا قاسىم- جومارت توقايەۆ بولگاريا پرەزيدەنتى رۋمەن راديەۆپەن، پولشا پرەزيدەنتى اندجەي دۋدامەن، گرۋزيا پرەزيدەنتى سالومە زۋرابيشۆيليمەن، ۋكراينا پرەزيدەنتى ۆلاديمير زەلەنسكيمەن كەزدەستى.
