عالىمدار ادامنىڭ قاشان ولگەنىن انىقتايتىن ءتاسىل ويلاپ تاپتى
نۇر-سۇلتان. قازاقپارات - سەچەنوۆ ۋنيۆەرسيتەتى مەن يتاليانىڭ ۆەرونا قالاسىنىڭ عالىمدارى ادامداردىڭ قاشان ومىرمەن قوش ايتىسقانىن انىقتايتىن ايرىقشا ءتاسىل ويلاپ تاپتى.
ولار سول ءادىستىڭ كومەگىمەن ءتىپتى قىلمىس جاسالعان جەردىڭ وزىندە ادامداردىڭ باقيلىق بولعان مەزەتىن ءدال تابۋعا بولادى دەيدى.
بۇل تۋرالى ren.tv-عا سىلتەمە جاساعان KAZ. NUR. KZ حابارلايدى.
باسىلىمنىڭ مالىمەتىنشە، جاڭا تەحنولوگيا ميكروفليۋيدتى قاعازدى قولدانۋ ادىسىنە سۇيەنەدى ەكەن. وعان سايكەس، اتالمىش قاعاز ارقىلى كوز جابىنىنداعى امموني كولەمىن انىقتاۋعا بولادى.
وسىلايشا، ادامنىڭ قاشان باقيلىق بولعانىن ءبىلۋ ءۇشىن، الگى قاعاز ۇلگىلەرى ارنايى تەستكە جابىستىرىلادى. سول كەزدە امموني مەن ارنايى رەاكتيۆ اراسىنداعى وزگەرىس تەز ارادا تەلەفونعا تۇسىرىلەتىن كورىنەدى.
اتالمىش سۋرەت ۇيالى تەلەفونداعى ارنايى قوسىمشاعا سالىنىپ، ونداعى ءتۇستىڭ وزگەرۋ كورسەتكىشى باعالانادى.
ءدال سول ناتيجە ادامنىڭ قاي ۋاقىتتا ناقتى كوز جۇمعانىن كورسەتەدى ەكەن.
عالىمدار اتالمىش تىڭ ءتاسىل جاقىن ارادا تەرگەۋشىلەردىڭ ستاندارتتى قىلمىستىق چەموداندارىنا ەنۋى مۇمكىن دەيدى.
