ەلوردادا التىن ۋنيتازى بار ءۇي ساتىلىمعا قويىلدى

ال ونىڭ قۇنى - 1,4 ميلليارد تەڭگە. بۇل تۋرالى Krisha.kz ءوزىنىڭ facebook-تەگى پاراقشاسىندا حابارلادى.

 حابارلاندىرۋدا ءۇي 2015 - جىلى سالىنعانى جانە اۋدانى 1200 شارشى مەتر ەكەنى جازىلعان. ۇيدە ءوزىنىڭ ساۋناسى مەن باسسەينى بار. حابارلاندىرۋعا بەكىتىلگەن كوپتەگەن سۋرەتكە قاراعاندا، ۇيدە كەمىندە ءتورت سانيتارلىق توراپ بار، ولاردىڭ بىرىندە ۋنيتازى التىننان جاسالعان (نەمەسە التىن جالاتىلعان). اس ءۇيدىڭ ءوزى 40 شارشى مەتر اۋداندى الىپ جاتقانى ايتىلعان.