كوزىنەن جاستىڭ ورنىنا «گاۋھار تاس» اعاتىن ارمەنيالىق ارۋ الەمدى تاڭ قالدىردى

تاۋلىگىنە قىزدىڭ كوزىنەن 50 كريستالل شىعادى ەكەن دەپ حابارلايدى ر ي ا نوۆوستيگە سىلتەمە جاساعان KAZ. NUR. KZ.

ساتەنيك كارازياننىڭ اعزاسىنداعى بۇنداي ەرەكشە قۇبىلىس بىرنەشە اي بۇرىن پايدا بولعان.

دارىگەر-وفتالمولوگ تاتيانا شيلوۆانىڭ سوزىنشە، بۇنداي پاتولوگيا وتە سيرەك كەزدەسەدى، سوندىقتان دا ونىڭ سەبەبىن انىقتاۋ قيىن. بۇل قۇبىلىس كوز جاسى سۇيىقتىعىنداعى تۇزداردىڭ كوپتەپ شوعىرلانۋىنان تۋىنداۋى مۇمكىن.

«جاس - قۇرامى بويىنشا قانعا ۇقسايتىن بيولوگيالىق سۇيىقتىق. سوندىقتان دا بەلگىلى ءبىر جاعدايلاردا، كوزدىڭ نەمەسە اعزانىڭ گەنەتيكالىق اۋرۋى اسقىنعان كەزدە ونىڭ قۇرامى بۇزىلۋى مۇمكىن»، - دەيدى تاتيانا شيلوۆا.

سونداي-اق دارىگەر اعزاداعى زات الماسۋ پروتسەسى بۇزىلعان كەزدە بۇنداي كريستاللدار باۋىر مەن بۇيرەكتەردە دە پايدا بولۋى مۇمكىن ەكەنىن جەتكىزدى.

سوندىقتان دا ساتەنيك كارازيانعا تولىق مەديتسينالىق تەكسەرۋدەن ءوتۋ كەرەكتىگىن باسا ايتتى.