ومان قازاقستاننان ەت ونىمدەرىن ساتىپ الماق
ق ر سىرتقى ىستەر مينيسترلىگىنىڭ مالىمەتىنشە، تاراپتار اۋىل شارۋاشىلىعى سالاسىنداعى ىنتىماقتاستىقتى دامىتۋ ماسەلەلەرىن تالقىلادى.
كەزدەسۋ بارىسىندا قازاقستان مەن وماننىڭ اگروونەركاسىپتىك كاسىپورىندارى اراسىنداعى سەرىكتەستىكتىڭ جاندانىپ كەلە جاتقاندىعى ايتىلدى. ومان تاراپى ءداندى داقىلدار مەن ەت ونىمدەرىن ساتىپ الۋعا، سونداي- اق تەڭىز ونىمدەرىنىڭ ەكسپورتىن ارتتىرۋعا مۇددەلى. ەكىجاقتى ىنتىماقتاستىقتى جانداندىرۋ ءۇشىن ومان تاراپى ەكى ەلدىڭ اۋىل شارۋاشىلىعى مەكەمەلەرى باسشىلارىنىڭ ساپارلارىن ۇيىمداستىرۋدى ۇسىندى.
سونىمەن قاتار ەكى ەلدىڭ اۋىل شارۋاشىلىعى ونىمدەرىن جەتكىزۋ ماقساتىندا لوگيستيكامەن قامتاماسىز ەتۋ ماسەلەلەرى بويىنشا سىندارلى پىكىر الماسۋ ءوتتى. اتاپ ايتقاندا، قازاقستان - تۇرىكمەنستان - يران تەمىرجول جەلىسىنىڭ، سونداي- اق يران، قازاقستان، ومان، تۇرىكمەنستان جانە وزبەكستان مۇشە حالىقارالىق ترانزيتتىك كولىك ءدالىزىنىڭ (اشحاباد كەلىسىمى) الەۋەتى اتاپ ءوتىلدى. تاراپتار كولىك بايلانىستارىن دامىتۋ بويىنشا بىرلەسكەن ءىس- ارەكەتتى جانداندىرۋ قاجەتتىگىنە نازار اۋداردى.