ديماش قۇدايبەرگەن قىتايلىق مەكتەپ وقۋلىعىنىڭ بەتتەرىندە ءجۇر

نۇر-سۇلتان. قازاقپارات – ديماش قۇدايبەرگەن تۋرالى قىتاي مەكتەپ وقۋلىقتارىندا مالىمەت ءجۇر. بۇل تۋرالى ءانشى Instagram جەلىسىندەگى پاراقشاسىندا حابارلاعان.

«ءوزىڭدى قىتاي مەكتەپ وقۋلىقتارىنان كورگەن كەرەمەت ەكەن»، - دەيدى ءانشى. جوعارى سىنىپ وقۋشىلارىنا ارنالعان كىتاپتا ءانشىنىڭ بيوگرافياسى جازىلعان.

«...ديماش بالا كەزىنەن مۋزىكالىق تالانت يەسى. ءبىراق ول ءالى دە وقۋدا تاباندىلىق تانىتىپ، ۆوكال قابىلەتتەرىن دامىتىپ، ءاندى جاقسى جەتكىزۋ ءۇشىن بىرنەشە ءتىلدى ۇيرەنىپ ءجۇر. ديماشتىڭ ەڭبەكقورلىعى بيىك جەتىستىكتەرگە جەتۋىنە ىقپال ەتىپ جاتىر»، - دەيدى كىتاپ اۆتورلارى.

سونداي-اق، قىتاي وقۋشىلارىنا ديماش تۋرالى ءبىرقاتار سۇراق ۇسىنىلعان. ەسكە سالايىق، ديماش قۇدايبەرگەننىڭ قىتاي ەلىندەگى تانىمالدىعى 2017 -جىلى I'm singer جوباسىنا قاتىسقاننان كەيىن ارتا تۇسكەن. بايقاۋدا فينالعا دەيىن جەتىپ، ەكىنشى ورىندى يەلەنگەن.

 

 Kaz.tengrinews.kz