وزبەكستان قىتاي ازاماتتارىنىڭ ەلدە ۆيزاسىز ءبىر اپتا جۇرۋىنە رۇقسات بەردى
وزبەك ۇكىمەتىنىڭ تۇسىندىرۋىنشە، بۇل جەرگىلىكتى تۋريزمنىڭ دامۋىنا ىقپال ەتۋى ءتيىس.
وزبەكستان پرەزيدەنتى شاۆكات ميرزيايەۆ 12- قىركۇيەكتە قول قويعان جارلىققا سايكەس، 2020-جىلدان باستاپ مۇنداي مۇمكىندىكتى قىتايدىڭ حالىقارالىق اۋەجايى ارقىلى ەلگە كەلگەن قىتاي جانە گونكونگ ازاماتتارى قولدانا الادى. ەگەر جولاۋشى وزبەكستان ارقىلى باسقا ەلگە بارۋدى جوسپارلاسا، وندا ەلدە بەس كۇنگە دەيىن ۆيزاسىز جۇرە الادى.
ساراپشىلار وسىدان بىرنەشە جىل بۇرىن پرەزيدەنت بولىپ سايلانعان وزبەكستان باسشىسى شاۆكات ميرزيايەۆ بيلىگى تۇسىندا ەلگە كەلەتىن شەتەل ازاماتتارىنىڭ سانى ۇلعايىپ، 2018-جىلى 5,3 ميلليون ادامعا جەتكەنىن ايتادى. بۇل الدىڭعى جىلدارمەن سالىستىرعاندا ەكى ەسەگە كوپ. دەرەك بويىنشا، قىتايدى ەسەپتەگەندە ەندى 65 ەل ازاماتتارىنىڭ وزبەكستاندا ۆيزاسىز جۇرۋىنە رۇقسات ەتىلگەن.
«ازاتتىق»
