باسپانا كەزەگىنىڭ ءبىرىڭعاي رەسپۋبليكالىق بازاسى قالاي جۇمىس ىستەيدى؟
«باسپانا الۋ مەن جۇيەلى ءبىرىڭعاي ەسەپ ءۇشىن كەزەككە تۇرۋشىلاردىڭ ءبىرىڭعاي رەسپۋبليكالىق بازاسى جاساقتالۋدا. ونىڭ اياسىندا كەزەككە تۇرۋشىلاردىڭ مارتەبەسى مەن تابىسى انىقتالىپ، ينۆەنتاريزاتسيا جۇرەدى. سونداي-اق، ولاردىڭ مەنشىگىندە جەكە باسپانانىڭ بولۋى، جالدامالى باسپاناعا مۇقتاجدىعى تەكسەرىلەدى»، - دەدى ق ر ي ي د م قۇرىلىس جانە تۇرعىن ءۇي كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ مينيسترلىك القاسىنىڭ وتىرىسىندا.
ونىڭ ايتۋىنشا، 2018-جىلى بۇل بازاداعى ينۆەنتاريزاتسيا ارقىلى 30 مىڭ ادام ەسەپتەن شىعارىلعان.
«قازىر اكىمدىكتەرمەن بىرلەسىپ، بازانى مەملەكەتتىك ورگانداردىڭ اقپاراتتىق جۇيەسىمەن سايكەستەندىرۋ جۇمىستارى جالعاستىرىپ جاتىرمىز»، - دەدى م. جايىمبەتوۆ.
بۇعان دەيىن كوميتەت باسشىسى اكىمدىكتەردە الەۋمەتتىك باسپانا الۋ كەزەگىنىڭ 3,5 ەسەگە ارتقانىن حابارلاعان ەدى.
