21:33, 12 - قىركۇيەك 2019 | GMT +6
اتىراۋدا بالاعا قول جۇمساعان تاربيەشى سوتتا جاۋاپ بەردى
اتىراۋ. قازاقپارات - اتىراۋدا بالاعا قول جۇمساعان تاربيەشىگە ايىپپۇل سالىندى، دەپ حابارلايدى قازاقپارات ءتىلشىسى.
«اتىراۋ قالالىق مامانداندىرىلعان اكىمشىلىك سوتىندا جۇلدىز شاعىناۋدانىنداعى جەكە بالاباقشانىڭ تاربيەشىسىنە قاتىستى ءىس تىڭدالدى. تاربيەشىگە قىزدى ۇرىپ-سوقتى دەگەن ايىپ تاعىلدى. سوت-مەديتسينالىق ساراپتاما بالانىڭ دەنەسى جەڭىل جاراقاتتانعانىن كورسەتتى. ەم الۋ قاجەت بولعان. تاربيەشىنىڭ كىناسى ۆيدەوباقىلاۋ كامەراسىنداعى جازبامەن دالەلدەندى. ول ق ر اكىمشىلىك كودەكسىنىڭ 73-بابى 1-بولىگى (دەنساۋلىققا قاساقانا جەڭىل زاقىم كەلتىرۋ) بويىنشا كىنالى دەپ تانىلدى. وعان 26513 تەڭگە كولەمىندە ايىپپۇل تاعايىندالدى»، - دەپ حابارلادى اكىمشىلىك سوتتىڭ باسپا ءسوز قىزمەتىنەن.
اۆتورى ا. سوكولوۆ
