ق ر پرەزيدەنتى قىتاي مەملەكەتتىك كەڭەسىنىڭ پرەمەرىمەن كەزدەستى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ ق ح ر مەملەكەتتىك كەڭەسىنىڭ پرەمەرى لي كىشياڭمەن كەزدەستى، دەپ حابارلايدى اقوردا.

مەملەكەت باسشىسى ق ح ر مەملەكەتتىك كەڭەسىنىڭ پرەمەرىنە قوناقجايلىلىعى مەن جىلى قابىلداۋى ءۇشىن العىس ءبىلدىرىپ، ءوزىنىڭ قىتايعا قازاقستان پرەزيدەنتى رەتىندەگى تۇڭعىش ساپارى ق ح ر- نىڭ قۇرىلعانىنا 70  جىل تولۋىنا ارنالعان مەرەيتويمەن تۇسپا-تۇس كەلگەنىن اتاپ ءوتتى. وسى ورايلى ساتتە، قاسىم-جومارت توقايەۆ لي كىشياڭدى جانە دوستاس قىتاي حالقىن مەرەيلى مەرەكەمەن قۇتتىقتادى.

قازاقستان پرەزيدەنتى ەكى ەل اراسىنداعى قارىم-قاتىناس قارقىندى دامىپ كەلە جاتقانىن، ەكىجاقتى ارىپتەستىك بارىسىندا ساۋدا-ەكونوميكالىق، كولىكتىك-لوگيستيكالىق الەۋەتتە كوپتەگەن ناتيجەلەرگە قول جەتكەنىن ايتتى. مەملەكەت باسشىسى قازاقستان مەن قىتاي اراسىنداعى ساۋدا-ەكونوميكالىق ىنتىماقتاستىقتىڭ دامۋىنا وڭ باعا بەردى.

ءوز كەزەگىندە لي كىشياڭ قاسىم-جومارت توقايەۆتىڭ ق ح ر- عا ساپارى قازاقستان-قىتاي بايلانىستارىن ودان ءارى نىعايتۋعا زور سەپتىگىن تيگىزەتىنىن اتاپ ءوتتى.