نۇرعالي ءنۇسىپجانوۆ پەن جاس كەلىنشەگى ويلاماعان جەردەن كونسەرت بەردى
كونسەرتتىڭ جۇرگىزۋشىسى دە لەزدە تابىلا كەتكەن. «الىستان اربالاماي، جاقىننان دوربالا» دەمەكشى، جۇرگىزۋشى ءانشىنىڭ ءوز جۇبايى بولعان.
«ارمىسىزدار، ارداقتى اعايىن! شيپاجايدا ءبىز كونسەرت بەرەمىز دەپ ويلاعان جوقپىز. اسىرەسە مەنىڭ جۇرگىزۋىم اياق استىنان بولىپ تۇر. كەلگەن قادامدارىڭىزعا گۇل ءبىتسىن! الىپ جاتقان ەمدەرىڭىز كۇش-قۋات بەرىپ، امان-ەسەن ورالۋدى جازسىن. بالا-شاعالارىڭىزبەن قاۋىشۋلارىڭىزعا تىلەكتەسپىز!» - دەگەن تىلەگىن جەتكىزگەن جادىرا سەيدەش جولداسىنىڭ ماقتاۋىن دا كەلتىرگەن.
«قاسيەتتى جەر ءجانناتى جەتىسۋعا نۇرعالي ءنۇسىپجانوۆتىڭ كەلۋى ءبىرىنشى رەت ەمەس. بۇل كىسى وسى وڭىردەن تۇلەپ ۇشقان. سوندىقتان نۇرعالي ءنۇسىپجانوۆ اعامىزدى شاقىرۋعا رۇقسات ەتىڭىزدەر»، - دەگەن جاس كەلىنشەك كۇيەۋىن ساحناعا وسىلاي شىعارعان.
«ماقتاۋىن دا جەتكىزدى ەندى. سوندىقتان سىزدەرمەن امانداسىپ، باستاپ كەتە بەرسەم بولادى»، - دەگەن نۇرعالي ءنۇسىپجانوۆ حالقىنا سالەمىن بەرىپ، ارتىنشا ءانىن جالعاپ كەتكەن.
كەشتىڭ ءۇزىندىسىن «جاركەنت اراسان» شيپاجايى بەينەجازباعا ءتۇسىرىپ الىپ، ءوزىنىڭ جەلىدەگى پاراقشالارىنىڭ بىرىندە بولىسكەن.