استانالىقتار وتباسى كۇنىن قالاي اتاپ وتەدى

نۇر-سۇلتان. قازاقپارات - تۇڭعىش پرەزيدەنت نۇرسۇلتان نازاربايەۆتىڭ جارلىعىمەن كۇزدىڭ ءبىرىنشى ايىنىڭ ەكىنشى جەكسەنبىسىندە ەلىمىزدە وتباسى كۇنى اتالىپ وتەدى.

بيىل مەرەكە 8- قىركۇيەككە سايكەس كەلىپ وتىر، دەپ حابارلايدى قازاقپارات.

ەلوردا اكىمدىگىنىڭ اقپاراتىنا سايكەس، مەرەكەگە وراي قالا كىتاپحانالارىندا «وتباسى - ونەگە ايناسى» اتتى كىتاپ كورمەسى، وقۋشىلار سارايىندا «مەنىڭ وتباسىم» اتتى فوتوكورمە، ال قالالىق ەمحانالاردا اشىق ەسىك كۇندەرى وتەدى.

6- قىركۇيەكتە قالانىڭ بارلىق مەكتەپتەرىندە «وتباسى - باقىت مەكەنى» سىنىپ ساعاتتارى، سونداي-اق وتباسى تاقىرىبىندا شىعارما مەن ەسسە جازۋدان بايقاۋلار ۇيىمداستىرىلدى.

سونىمەن قاتار وسى كۇنى «ۇرپاق تاربيەسىندەگى وتباسىلىق قۇندىلىقتار» تاقىرىبىندا «اتا-انالار كلۋبى» قالالىق ديالوگ الاڭىنىڭ 3- ماۋسىمىنىڭ اشىلۋى ءوتتى. شارا جاقىندا اشىلعان «جانۇيا» ورتالىعىندا بولدى. مۇندا ءبىر-بىرىنەن بولەك تۇراتىن اتا-انالار ءۇشىن پسيحولوگيالىق كونسۋلتاتسيالار (سوتقا دەيىنگى رەتتەۋ) ۇيىمداستىرىلدى.

سارىارقا اۋدانىنىڭ احات بولىمىندە 55 جانە ودان دا كوپ جىل نەكەدە تۇرعان ەرلى-زايىپتىلار قۇرمەت كورسەتىلدى. ال ەلوردالىق بالالار ۇيىندە تاربيەلەنۋشىلەردىڭ سانى ءبىر نەمەسە بىرنەشە بالاعا ازايادى. سەبەبى مۇندا جاڭا پاتروناتتىق وتباسى قۇرىلاتىن بولادى.

ال 3№ پەريناتالدىق ورتالىقتا جاڭا تۋعان نارەستەلەردى سالتاناتتى تۇردە تىركەۋ جۇرگىزىلەدى.

سونداي-اق 6-7- قىركۇيەكتە م. وتەمىسوۆ اتىنداعى وقۋشىلار سارايىنىڭ قىزمەتكەرلەرى اراسىندا وتباسىلىق فوتوسۋرەتتەر فەستيۆالى وتەدى.

7- قىركۇيەكتە «قازاقستان» ورتالىق كونسەرت زالىندا ەلىمىزدىڭ تۇڭعىش پرەزيدەنتى بەكىتكەن «مەرەيلى وتباسى» ۇلتتىق بايقاۋىنىڭ جەڭىمپازدارى مەن جۇلدەگەرلەرى انىقتالادى. كەلەسى كۇنى «جاستار» سارايىندا «دەنساۋلىق قالاشىعى» باستاۋ الىپ، اكسيا اياسىندا انيماتورلار مەن قۋىرشاقتاردىڭ قاتىسۋىمەن كونتسەرتتىك باعدارلاما، سونداي-اق وتباسىلىق سايىس وتكىزىلەدى.

10- قىركۇيەكتە «جانۇيا» ورتالىعىندا ايەلدەر كوشباسشىلىعى مەكتەبى، سونىمەن قاتار ماماندار ۋچاسكەلىك ينسپەكتورلارعا ارنالعان سەمينار- ترەنينگ وتكىزەدى. كۇندىز 2№  ونەر مەكتەبى «ءبىز باقىتتى وتباسى بالالارىمىز» اتتى كونسەرتتىك باعدارلاماعا شاقىرادى.

13 قىركۇيەكتە بۋراباي كەنتىندە رەسپۋبليكالىق اكەلەر فورۋمى، ال «جانۇيا» ورتالىعىندا «وتباسىلىق قۇندىلىقتار. گەندەرلىك مادەنيەتتى قالىپتاستىرۋ» تاقىرىبىنا ۇزدىك بيلبورد ەسكيزىنە بايقاۋ وتكىزىلەدى.

سونىمەن قاتار كۇندىز قالانىڭ بىرنەشە مەكتەبىندە «اكە، انا جانە مەن - سپورت سۇيەر جانۇيا» وتباسىلىق ەستافەتاسى وتەدى. 21- قىركۇيەكتە قالانىڭ وقۋ ورىندارىندا وتباسى تاربيەسى تۋرالى پسيحولوگيالىق ترەنينگ، ال 30- قىركۇيەكتە بالالاردىڭ شىعارماشىلىق جۇمىستارىنىڭ كورمەسىن وتكىزۋ جوسپارلانعان.