رەسەيدە قازاقستاننىڭ مادەنيەت كۇندەرى وتەدى

نۇر-سۇلتان. قازاقپارات - رەسەي استاناسى ماسكەۋ قالاسىندا قازاقستاننىڭ رەسەيدەگى مادەنيەت كۇندەرىنىڭ سالتاناتتى اشىلۋى وتەدى.

بۇل تۋرالى ق ر مادەنيەت جانە سپورت ءمينيسترى اقتوتى رايىمقۇلوۆا جۋرناليستەرمەن باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات.

ءمينيستردىڭ ايتۋىنشا، 7- قىركۇيەك كۇنى رەسەي استاناسى ماسكەۋ قالاسىنداعى حالىق شارۋاشىلىعى جەتىستىكتەرىنىڭ كورمەسى نەگىزگى ساحناسىندا ساعات 19:00 دە «استانا بالەت» تەاترىنىڭ قاتىسۋىمەن مادەنيەت كۇندەرىنىڭ سالتاناتتى اشىلۋى وتەدى. سونداي-اق ۇلتتىق مۋزەي قورىنداعى جادىگەرلەردىڭ كورمەسى ۇيىمداستىرىلىپ، تانىمال وپەرا ءانشىسى الىبەك دىنىشيەۆ، قازاقستاننىڭ ەڭبەك سىڭىرگەن قايراتكەرى ايگۇل قوسانوۆا، «استانا سازى» ەتنو- فولكورلىق ءانسامبلى، ەسىمدەرى رەسەي جۇرتشىلىعىنا جاقسى تانىس جاس تالانتتار ەرجان ماكسيم مەن دانەليا تولەشيەۆالار ءان شىرقايدى.

- قازاقستان مەن رەسەي اراسىنداعى مادەني-گۋمانيتارلىق قارىم-قاتىناس وتە جاقسى دامىپ كەلەدى. قازاقستاننىڭ مادەنيەت كۇندەرىن وتكىزۋدەگى باستى ماقساتىمىز - رەسەي جۇرتشىلىعىن قازاق حالقىنىڭ ونەرىمەن، داستۇرىمەن، مادەنيەتىمەن تانىستىرۋ.

اشىلاتىن شارا ر ف مادەنيەت مينيسترلىگى مەن ق ر مادەنيەت جانە سپورت مينيسترلىگىنىڭ 2017-2019-جىلدارعا ارنالعان مادەنيەت سالاسىنداعى ىنتىماقتاستىقتى دامىتۋ باعدارلاماسى اياسىندا ءوتىپ جاتىر، - دەدى باسپا ءسوز ءماسليحاتىندا ق ر مادەنيەت جانە سپورت ءمينيسترى اقتوتى رايىمقۇلوۆا.

مينيسترلىكتىڭ باسپا ءسوز قىزمەتى تاراتقان مالىمەتتەرگە قاراعاندا، مەرەكەلىك باعدارلامانى قازاق ساحناسى جۇلدىزدارىنىڭ كونسەرتى جالعاستىرادى.

«استانا بالەت» تەاترىنىڭ سوليستەرى بىرنەشە حورەوگرافيالىق كومپوزيتسيا ورىندايدى. قازاقستاننىڭ ەڭبەك سىڭىرگەن قايراتكەرى، «استانا وپەرا» مەملەكەتتىك وپەرا جانە بالەت تەاترىنىڭ ءسوليستى نۇرلان بەكمۇحامبەتوۆ پەن «استانا سازى» ەتنو-فولكلورلىق ءانسامبلى تىڭدارماندارعا ليديا رۋسلانوۆا، الەكساندر مالينين، يوسيف كوبزون جانە ت. ب. اتاقتى ورىنداۋشىلاردىڭ سۇيىكتى شىعارمالارىن ۇسىنادى.

وپەرا ساحناسىنىڭ جارقىن جانە قايتالانباس جۇلدىزى تەك قازاقستاننىڭ عانا ەمەس، رەسەيدىڭ دە ونەردى جوعارى باعالاۋشىلار اراسىندا تانىمال سالتانات احمەتوۆا «ۇلى دالا بۇلبۇلى» كومپوزيتسياسىن حالىقارالىق كونكۋرستاردىڭ لاۋرەاتتارى ايزادا كاپونوۆا مەن اناستاسيا كوجۋحاروۆا تريوسىمەن ورىندايدى.

سونداي-اق، 8-11- قىركۇيەك ارالىعىندا قازاقستاندىق فيلمدەر كورسەتىلىمى بولادى. 11- قىركۇيەك -  قازاقستاننىڭ رەسەيدەگى مادەنيەت كۇندەرىنىڭ جابىلۋىندا ءامىر تەبەنيحيننىڭ (فورتەپيانو) جانە «Fortetrio» مەملەكەتتىك تريوسىنىڭ كونتسەرتى پ. ي. چايكوۆسكي اتىنداعى كونسەرۆاتوريانىڭ كىشى زالىندا وتەدى.

ايتا كەتەيىك، ءامىر تەبەنيحين- كوپتەگەن حالىقارالىق ماراپاتتاردىڭ يەگەرى جانە الەمنىڭ باستى كونتسەرت زالدارىندا: كارنەگي- حولل (نيۋ- يورك)، ماسكەۋ كونسەرۆاتورياسىنىڭ ۇلكەن زالى، ۆيگمور- حولل (لوندون)، پلەيەل جانە كورتو زالدارىندا (پاريج) ءجيى ونەر كورسەتۋشى.

قازاقستاننىڭ رەسەيدەگى مادەنيەت كۇندەرىن جابا وتىرىپ، ءامىر ن. مەڭدىعاليەۆتىڭ «دومبىرا تۋرالى اڭىز» جانە ف. ليستتىڭ «سوناتا سي-مينور» كومپوزيتسياسىن ورىندايدى.

«ForteTrio» مەملەكەتتىك تريوسى تەك قازاقستاندا عانا ەمەس، ودان تىس جەرلەردە دە تانىمال كامەرالىق-اسپاپتىق انسامبلدەردىڭ ءبىرى. «ForteTrio» قازاقستاندىق ونەردى الەمنىڭ ەڭ بەدەلدى ساحنالارىندا پاش ەتىپ ءجۇر، كوپتەگەن حالىقارالىق مۋزىكالىق فەستيۆالدارعا قاتىسادى.

پ. ي. چايكوۆسكي اتىنداعى كونسەرۆاتوريادا ولار استور پياتسوللانىڭ «بۋەنوس-ايرەستەگى جىلدىڭ ءتورت مەزگىلى» مەن ارمان جايىمنىڭ «كەروعلى» پوەماسىن ورىندايدى. قازاقستاننىڭ رەسەيدەگى مادەنيەت كۇندەرى 7-11- قىركۇيەك ارالىعىندا وتەدى.