فرانسيادا ءار ءۇش كۇن سايىن ءبىر ايەل كۇيەۋىنىڭ قولىنان قازا تابادى
ءوز ومىرىنە الاڭداعان قىز- كەلىنشەكتەر زورلىق- زومبىلىق ءۇشىن جازانى قاتاڭداتۋ كەرەك دەپ كوشەگە شىقتى. جىل باسىنان بەرى بۇل ەلدە 101 ايەل ءوز كۇيەۋىنىڭ قولىنان اجال قۇشقان ەكەن. بۇل ساندار ۇكىمەتتىڭ مالىمدەمەسىندە ايتىلدى. فرانسيا - ەۋرووداق ەلدەرى بويىنشا تۇرمىستاعى وزبىرلىق ەتەك جايعان مەملەكەتتەردىڭ ءبىرى. وعان دالەل - الەمدى الاڭداتقان ستاتيستيكالىق كورسەتكىش. بىلتىر ەلدەگى سەنىم تەلەفونىنا زورلىق كورگەن 45 مىڭ ايەل كومەك سۇراپ حابارلاسقان. ال بيىلعى جاعداي تىپتەن قايعىلى. 9 اي ىشىندە كۇيەۋىنەن تاياق جەپ، جۇزدەن استام ايەل و دۇنيەگە اتتانعان. زورلىققا ۇشىراعانداردىڭ 19 پروتسەنتتى عانا سوتقا جۇگىنەدى ەكەن. دەگەنمەن پوليتسياعا شاعىم بەرىپ، ءوتىنىشى قارالاماي جاتقاندار دا جەتەرلىك.
ليۋسەن دۋيب، قۇرباننىڭ اكەسى:
- مەنىڭ قىزىم 3 - ناۋرىز كۇنى بۇرىنعى كۇيەۋىنىڭ قولىنان قازا تاپتى. ەسكە السام، وزەگىمدى وكىنىش ورتەيدى. سەبەبى دجۋلي پوليسياعا 5-6 رەت شاعىم تۇسىرگەن. تۇرمىستا وزبىرلىق كورىپ جۇرگەنىن ايتقان. ءبىراق ونىڭ سۇراعان كومەگىنە ەشكىم قول ۇشىن سوزباپتى. الداعى ۋاقىتتا مۇنداي جاعداي قايتالانباس ءۇشىن الەمگە جۇرتىن ەسكەرتىپ، دابىل قاعىپ وتىرمىن. اشىنعان اكەنىڭ جانايقايى ۇكىمەتتىڭ قۇلاعىنا جەتتى. فرانسيا بيلىگى ءتىپتى قازىنادان 5 ميلليون ەۋرو ءبولىپ تە قويدى. بۇل قاراجاتقا ءجابىر كورگەندەر ءۇشىن ارنايى ورتالىق اشىلادى. سونداي- اق شاعىمدى قاراستىرۋ كەزىندە سالعىرتتىق بولماس ءۇشىن ورگاندارعا تەكسەرىس كۇشەيتىلەدى. فرانسيا پرەمەرى ارنايى فورۋمدا وسىلاي دەپ مالىمدەدى.
ەدۋار فيليپپ، فرانسيا پرەمەر- ءمينيسترى:
- بۇرىنعى نەمەسە قازىرگى ومىرلىك جولداسىڭىز زورلىق جاساپ، جازاسىز قالىپ جاتسا، قوعام ۋلاندى دەگەن وسى. فرانسيا ايەلدەرىنە قاۋىپسىزدىك جايلى كەپىلدىك بەرەتىن ۋاقىت جەتتى. ءارقاشاندا ادىلەتتىلىك ءبىرىنشى ورىندا بولۋى كەرەك. بۇل كۇرمەۋى قيىن ماسەلەنىڭ شەشىمىن تابۋىمىز كەرەك. نازىك جاندىلار تاياق جەۋ ءۇشىن جارالماعان. دەسە دە، پاريجدىڭ قىز- كەلىنشەكتەرى ءوز ومىرىنە الاڭداپ وتىر. ءتىپتى ەيفەل مۇناراسى ماڭىندا نارازىلىق شاراسىن ۇيىمداستىردى. بەلسەندىلەر تۇرمىستىق وزبىرلىقتان قازا تاپقانداردى ەسكە الدى. ەرەۋىلشىلەر قولدارىنا ەرىنىڭ قولىنان قازا تاپقان ايەلدەردىڭ سۋرەتىن ۇستاپ شىققان. قانپەزەر قىلمىسكەرلەردى تيىسىنشە جازاعا تارتۋ كەرەك دەيدى ولار. زورلىق- زومبىلىق ماسەلەسى مەكسيكا ءۇشىن دە وزەكتى. مۇنداعى تۇرعىندار دا قازىر كوشەگە شىعىپ، تۇرمىستاعى وزبىرلىققا قارسى ەرەۋىل ۇيىمداستىردى. ايەل قۇقىعى ءۇشىن جانتالاسقان بەلسەندىلەردىڭ دابىل قاعۋىنا جاقىندا عانا ورىن العان وقيعا تۇرتكى بولعان. ەستەرىڭىزدە بولسا، ەكى كامەلەتتىك جاسقا تولماعان بويجەتكەندەر ءتارتىپ ساقشىلارىنان زورلىق كوردىك دەپ شاعىمدانعان. جالپى ب ۇ ۇ- نىڭ اقپارى بويىنشا، مەكسيكا ايەلدەر ءۇشىن وتە قاۋىپتى 25 مەملەكەتتىڭ قاتارىندا. سەبەبى ەلدە كۇنىنە 9 نازىك جاندى كىسى قولىنان قازا تابادى. الەم ەلدەرى وسىلايشا زورلىق- زومبىلىق، الىمجەتتىك، وزبىرلىق ماسەلەسىنە قارسى بوي كوتەرۋدە. مەملەكەتتەر زاڭ جوباسىن قايتا قاراپ، ارنايى باعدارلاما ءۇشىن قاراجات ءبولىپ جاتىر. فرانسيادا زومبىلىققا قارسى جالپىۇلتتىق ناۋقان باستالدى. ا ق ش مۇنداي قىلمىستى ازايتۋ ءۇشىن بەيبىتشىلىك مينيسترلىگىن قۇرۋ كەرەك دەپ وتىر. پرەزيدەنت قاسىم- جومارت توقايەۆتىڭ جولداۋىنا ساي، ەندى قازاقستاندا دا زورلىق- زومبىلىققا قارسى زاڭ قاتاڭداتىلاتىن بولادى.
www.24.kz
