كوكشەتاۋدا تىلدەر ونكۇندىگى باستالدى
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ىشكى ساياسات باسقارماسىنىڭ باسشىسى عالىم شويكين ايتتى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.
بريفينگتە باسقاراما باسشىسى تىلدەر ونكۇندىگى شەڭبەرىندە وتكىزىلەتىن شارالارعا توقتالدى.
«جىل سايىن قازاقستان حالقى تىلدەرى كۇنى شەڭبەرىندە ۇيىمداستىرىلاتىن تىلدەر ونكۇندىگىن بيىلعى جىلى قىركۇيەك ايىنىڭ 5-20 - ارالىعىندا وتكىزۋ جوسپارلانىپ وتىر. وسى ارالىقتا 300 دەن استام شارا ۇيىمداستىرىلادى. بۇگىن وبلىستاعى بارلىق مەكەمەلەر مەن ۇيىمدار اراسىندا تىلدەر كۇنى مەرەكەسىن اتاپ ءوتۋ باستالىپ كەتتى. مۇنداعى باستى ماقسات - مەملەكەتتىڭ ءتىل جونىندەگى ساياساتىن جۇزەگە اسىرۋ بولىپ تابىلادى» ، - دەدى عالىم شويكين.
بيىلعى جىلى تىلدەر ونكۇندىگىن وتكىزۋ بويىنشا ءىس- شارالاردىڭ وبلىستىق جوسپارى بەكىتىلگەن. ونكۇندىكتە قازاقستاندا تۇراتىن ەتنوستاردىڭ تۇرمىسى، تاريحى جانە مادەنيەتىن كورسەتەتىن، ەتنوستار اراسىندا بىرلىك پەن تۇسىنىستىك، ءتىل بىلگىرى بايقاۋى، پوەزيا كەشتەرى، ينتەلەكتاۋالدى جارىستار، دوڭگەلەك ۇستەلدەر مەن عىلىمي كونفەرەنسيالار وتكىزىلەتىن بولادى.
جاستاردىڭ قاتىسۋىمەن «قازاق ءتىلىم - ماڭگى جاسار بايلىعىم» فورۋمى، «تەكتى ءسوزدىڭ تورەسى - تەرمە» بايقاۋى، «ءتىلدارىن» وليمپياداسى سياقتى شارالار دا قاراستىرىلعان.
تىلدەر ونكۇندىگى شەڭبەرىندە حالقىمىزدىڭ اتاقتى جازۋشىلارى جانە قوعام قايراتكەرلەرى - ءبىرجان سالدىڭ - 185 جىلدىعى، ابايدىڭ - 175 جىلدىعى، بەيىمبەت ءمايليننىڭ، ساكەن سەيفۋلليننىڭ، ءىلياس جانسۇگىروۆتىڭ - 125 جىلدىعى، ساكەن ءجۇنىسوۆتىڭ - 85 جىلدىعى، سونداي - اق، فاريزا وڭعارسىنوۆانىڭ - 80 جىلدىق مەرەيتويى اتالىپ وتەدى.
سونىمەن قاتار، تىلدەر ونكۇندىگىندە لاتىن گرافيكاسىنا كوشۋ ماسەلەسىنە دە نازار اۋدارىلادى.
