15:06, 05 - قىركۇيەك 2019 | GMT +6
ەرجان ماكسيم وتباسىمەن ماسكەۋگە كوشكەلى جاتىر
ورال. قازاقپارات - ءانشى ەرجان ماكسيم وتباسىمەن ماسكەۋگە كوشكەلى جاتىر.
بۇل تۋرالى ونىڭ اناسى گۇلميرا الىبەك ءمالىم ەتتى، دەپ حابارلايدى قازاقپارات ءتىلشىسى.
گ. الىبەكتىڭ ايتۋىنشا، ۇلى ەرجان بەس جىل بويى يگور كرۋتويدىڭ اكادەمياسىندا وقيدى.
«وسى مەرزىمگە ءبىز دە ماسكەۋدە تۇراتىن بولامىز. بۇيىرسا، بۇگىن تۇندە ۇشامىز. ەرجان اكادەميامەن قاتار ورتا مەكتەپتەگى ساباعىن جالعاستىراتىن بولادى. قازىر ول ەۆروۆيدەنيە بايقاۋىنا دايىندالىپ جاتىر»، دەدى قازاقپارات تىلشىسىنە گۇلميرا الىبەك.
ەسكە سالا كەتەيىك، بۇدان بۇرىن ەرجان ماكسيمنىڭ «Junior Eurovision 2019» بايقاۋىنا قاتىساتىنىن جازعان بولاتىنبىز.
