نەمىس مامانى قازاقستاننىڭ «جولاۋشىلار تاسىمالى» ا ق-نىڭ باس ديرەكتورى بولدى

نۇر-سۇلتان. قازاقپارات - نەمىس مامانى ميحاەل كورتيۋم «جولاۋشىلار تاسىمالى» ا ق-نىڭ باس ديرەكتورى بولىپ تاعايىندالدى، دەپ حابارلايدى قازاقپارات «جولاۋشىلار تاسىمالى» ا ق باسپا ءسوز ورتالىعىنا سىلتەمە جاساپ.

م. كورتيۋم تەمىر جول سالاسىندا، ونىڭ ىشىندە جولاۋشىلار تاسىمالىندا مول تاجىربيەسى بار مامان. قايتا قۇرۋ، جوبالاۋ، جاڭا ستراتەگيانى جۇزەگە اسىرۋدا تالاي ءىرى جوبالاردى ىسكە قوسقان.

سونداي-اق، كليەنتتەرگە جوعارى دەڭگەيدە قىزمەت كورسەتۋ، سەرۆيس ماسەلەلەرى، جولاۋشىلار تاسىمالىنداعى كوپتەگەن وزەكتى پروبەلمالاردىڭ شەشىمىن تاۋىپ، وسى باعىتتا تالاي يگى باستامالاردىڭ جەتەكشىسى بولعان.

م. كورتيۋم 1969 -جىلى 3 -اقپان كۇنى گامبۋرگتە دۇنيەگە كەلدى (گەرمانيا). ەڭبەك ءوتىلى 1989 -جىلدان باستاۋ الادى. «DeutscheReichsbahn» كومپانياسىندا (نەمىس تەمىر جولدارى) قاتارداعى ەلەكترومونتەر، ارتىنان 5 جىل پويىز ماشينيسى بولعان. بۇدان كەيىن جولاۋشىلار پويىزدارىنا قىزمەت كورسەتۋ ءبولىمىنىڭ سۋپەرۆايزەرى قىزمەتىنە اۋىستى.

«DB Fernverkehr» كومپانياسىنىڭ سولتۇستىك سەرۆيس ورتالىعىنىڭ باسشىسى، سولتۇستىك گەرمانيا وڭىرىندەگى «DB InternationalGmbH» كومپانياسىنىڭ باسشىسى بولدى.

سوڭعى جىلدارى م. كورتيۋم تاياۋ شىعىس پەن سولتۇستىك گەرمانيا بويىنشا كومانيانىڭ ءوندىرىس جونىندەگى باس ديرەكتورى، «DB Engineering مەن  Consulting»  كومپانياسىنىڭ باس ديرەكتورى، «ValueEngineering / Asia and Pacific» جانە «DB Engineering مەن  Consulting»  اتقارۋشى ديرەكتورى (بەرلين) لاۋازىمىندا ەڭبەك ەتكەن.