ديماش نيۋ-يوركتەگى جەكە كونسەرتى قاشان وتەتىنىن ايتتى

نۇر-سۇلتان. قازاقپارات - قازاقستان ءانشى ديماش قۇدايبەرگەن ا ق ش-تىڭ نيۋ-يورك قالاسىنداعى جەكە كونسەرتى قاشان وتەتىنىن ايتتى، دەپ حابارلايدى قازاقپارات ءتىلشىسى.

«10 -جەلتوقساندا ا ق ش-تىڭ نيۋ-يورك قالاسىنداعى Barclays Center ستاديونىندا جەكە كونسەرتىم وتەتىنىن حابارلايمىن. بيلەت ساتىلىمى جاقىندا باستالادى. Instagram پاراقشامدى باقىلاپ وتىرىڭىزدار»، - دەپ جازدى ءانشى Instagram-داعى پاراقشاسىندا.

ايتا كەتسەك، بۇعان دەيىن ديماش قۇدايبەرگەننىڭ ا ق ش-تا كونسەرتى وتەتىنىن مادەنيەت جانە سپورت مينيسترلىگى حابارلاعان بولاتىن.

«ا ق ش-تا مادەنيەت جانە سپورت مينيسترلىگىنىڭ تىكەلەي قولداۋىمەن جانە ۇيىمداستىرۋىمەن ديماشتىڭ كونسەرتى وتەدى. بۇل تۋرالى مادەنيەت جانە سپورت ءمينيسترى اقتوتى رايىمقۇلوۆا ايتتى. ەرەكشە كەزدەسۋ وتكىزگەن مينيستر ديماش قۇدايبەرگەن ا ق ش-تا جەكە شىعارماشىلىق كونسەرتىن بەرەتىنىن جەتكىزدى. اتى الەمگە ايگىلى ونەر يەسىنىڭ بۇل كەشى نيۋ-يورك قالاسىندا بولماق»، - دەدى ق ر مادەنيەت جانە سپورت ءمينيسترىنىڭ سول كەزدەگى باسپا ءسوز حاتشىسى ايدار قىرىقباي ۇلى.

ەسكە سالساق، ديماش قۇدايبەرگەن جاقىندا عانا ەلوردادا «ارناۋ» اتتى جەكە كونسەرتىن بەرىپ، ودان تۇسكەن قارجىنىڭ ءبىر بولىگىن ارىسقا كومەك رەتىندە اۋداردى.

سونداي-اق، بۇعان دەيىن ونىڭ لوندون مەن ماسكەۋدە جەكە ونەر كەشتەرى ءوتتى.

اۆتور: ايان بەكەن ۇلى