انكارادا قازاقستان كۇندەرى ءوتتى
شارا انكارا قالاسى ەتيمەسگۋت اۋدانى مەرياسىنىڭ، قازاقستاننىڭ تۇركياداعى ەلشىلىگىنىڭ ۇيىمداستىرۋىمەن جانە الماتى قالاسى اكىمدىگىنىڭ قولداۋىمەن ۇيىمداستىرىلدى.
بيىل ون التىنشى رەت ۇيىمداستىرىلىپ وتىرعان ءداستۇرلى ءىس- شاراعا الماتى قالاسىنىڭ «الاتاۋ» فولكلورلى- ەتنوگرافيالىق ءانسامبلى جانە «وتاۋ» تۇركى الەمىنىڭ ءان مەن بي بىرلەستىگى جانە الىس- جاقىن تۇركى تىلدەس مەملەكەتتەر مەن تۇركيانىڭ بارلىق قالالارى مەن پروۆينتسيالارىنان شىعارماشىلىق توپتار قاتىستى.
ءداستۇرلى ونەر مەرەكەسىندە «الاتاۋ» فولكلورلىق ءانسامبلى كورەرمەندەر نازارىنا «قولباسشى» ، «قۇلاگەر» ، «قارا جورعا» ، «اي ساۋلەسى» جانە كوپتەگەن ت. ب. تۋىندىلار ۇسىنىپ، قازاق حالقىنىڭ ۇلتتىق ونەرىن جوعارى دەڭگەيدە تانىستىرا ءبىلدى.
قازاقستاندىق ونەرپازداردىڭ شەبەرلىگىن تۇرىكتىڭ 50 مىڭعا جۋىق كورەرمەنى تاماشالاپ، 2 ميلليوننان استام كورەرمەنى بار «بەنگيۋ تۇرك» (Bengü Türk) تەلەارناسى تىكەلەي ەفيردەن كورسەتتى.
فەستيۆال بارىسىندا قازاقستاننىڭ تۇركياداعى ەلشىلىگىنىڭ كەڭەسشى- ۋاكىلى ايدوس قىدىرما ءىس- شارانىڭ «رۋحاني جاڭعىرۋ» باعدارلاماسى جانە قازاقستانداعى «جاستار جىلى» اياسىندا ۇيىمداستىرىلاپ وتىرعانىن اتاپ ءوتتى.
سونىمەن بىرگە ا. قىدىرما ونەگەلى ونەر مەرەكەسىن ۇيىمداستىرعان ەتيمەسگۋت اۋدانى ءمەرى انۋار دەميرەلگە، فەستيۆالعا «الاتاۋ» ، «وتاۋ» ۇجىمدارىنىڭ قاتىسۋىنا مۇمكىندىك بەرىپ، قولداۋ كورسەتكەن الماتى قالاسىنىڭ اكىمى باقىتجان ساعىنتايەۆقا، قالالىق مادەنيەت باسقارماسىنا جانە شىعارماشىلىق توپتارعا العىسىن ءبىلدىردى.
الماتى قالاسىنىڭ «الاتاۋ» فولكلورلى- ەتنوگرافيالىق ءانسامبلىنىڭ شىعارماشىلىق دەلەگاتسياسىن قالالىق مادەنيەت باسقارماسىنىڭ باس مامانى ايگەرىم سەنبايەۆا باستاپ كەلدى. «وتاۋ» بىرلەستىگىنە ەلميرا شەندۋران جەتەكشىلىك ەتتى.
