قازاقستان ءۇشىن جاڭا ءداۋىر تۋىپ كەلەدى - ولجاس سۇلەيمەنوۆ

نۇر- سۇلتان. قازاقپارات -  قازاقستان ءۇشىن ساپالى جاڭا ءداۋىر تۋىپ كەلەدى. مۇنداي ۇسىنىستى ەلوردادا ءوتىپ جاتقان ازيا ەلدەرى قالامگەرلەرىنىڭ تۇڭعىش فورۋمىندا قازاق اقىنى ولجاس سۇلەيمەنوۆ ءبىلدىردى، دەپ حابارلايدى قازاقپارات ءتىلشىسى.

«ءبىز ءجيى كەزدەسە بەرمەيمىز. وسىعان دەيىن 1973 -جىلى، وسىدان 40 جىل بۇرىن الماتىدا جۇزدەسكەن ەدىك. ول كەزدە ازيا مەن افريكا ەلدەرىنىڭ كونفەرەنسياسى ءوتتى. كۇردەلى كەزەڭ ەدى. ازيا مەن افريكا ەلدەرىندە باسقىنشىلىققا قارسى پروتسەستەر ورىن الىپ جاتقان. قازىر ءبىز باياعىدان بەرى تاۋەلسىزدىكتەرىن الىپ، ونى نىعايتۋ جولىنا تۇسكەن ازيا ەلدەرىنەن كەلگەن ارىپتەستەرىمىزبەن عانا كەزدەسىپ وتىرمىز. بۇل كەزدەسۋ قازاقستان ءۇشىن ايرىقشا ۋاقىتتا ءوتىپ جاتىر. ساپالى جاڭا ءداۋىر تۋىپ كەلەدى» ، - دەدى ول.

ولجاس سۇلەيمەنوۆ وعان ەلىمىزدە ورىن الىپ جاتقان پروتسەستەر جارقىن دالەل بولا الاتىندىعىن باسا ايتتى.

«بۇل جايىندا قازىرگى ۋاقىتتا ءاربىر وتباسىدا تالقىعا ءتۇسىپ جاتقان پرەزيدەنت قاسىم- جومارت توقايەۆتىڭ تاياۋداعى جولداۋىندا جان- جاقتى ايتىلعان. ول ايتقان رەفورمالاردىڭ بولۋى قاجەتتى. ءبىراق، قازاقستانداعى قوعامدىق- ساياسي ءومىر دە جاڭارۋى كەرەك. بۇل جايىندا، جاڭا ۋاقىت جايىندا تاياۋدا عانا نۇرسۇلتان نازاربايەۆ تاماشا ايتىپ ەدى. ول الەمدە كۇشتىلەردىڭ ەمەس، اقىلدى ادامداردىڭ ءداۋىرى تۋىپ كەلە جاتىر دەپ كەرەمەت ايتتى. مۇنداي جان- جاقتى ءارى ناقتى پايىمدى كوپتەن بەرى ەستىمەگەن ەدىم» ، - دەدى و. سۇلەيمەنوۆ.

ونىڭ اتاپ وتۋىنشە، ادەبيەت اقىلدى ادامدارى تاربيەلەيدى. ال اقىلدى ادامدار ەكونوميكانى كوتەرەدى.