پرەزيدەنت: ازيا قالامگەرلەرى ەڭبەكتەرىنىڭ ءبىرتۇتاس ەلەكتروندى كىتاپحاناسىن قۇراتىن ۋاقىت جەتتى
«ازيا قالامگەرلەرى تۋىندىلارىنىڭ ءبىرتۇتاس ەلەكتروندى كىتاپحاناسىن قۇراتىن ۋاقىت جەتتى. بۇل ازيانىڭ تەڭدەسسىز دۇنيەتانىمى جيناقتالعان باعا جەتپەس اسىل قازىنانىڭ ەسىگىن جەر جۇزىنە ايقارا اشاتىن قۇندى دۇنيە بولارى ءسوزسىز. وسىنداي يگى باستامالاردى ىسكە اسىرۋ جۇمىسى - قالامگەرلەرىمىزدى بىرىكتىرىپ، ازيا ادەبيەتىن جاڭا بەلەسكە شىعارادى دەپ سەنەمىن. بۇگىنگى فورۋم جۇمىسىنا تابىس تىلەيمىن»، - دەدى قاسىم-جومارت توقايەۆ ازيا قالامگەرلەرىنىڭ 1- فورۋمىندا.
ەسكە سالساق، ەلوردادا ازيا قالامگەرلەرىنىڭ 1- فورۋمى ءوتىپ جاتىر. وعان ادەبيەت بويىنشا نوبەل سىيلىعىنىڭ 3 نوميناتى قاتىسۋدا. جيىندا قاسىم-جومارت توقايەۆ «ازيا الىبى» حالىقارالىق ادەبي سىيلىعىن تاعايىنداۋدى ۇسىندى.
