08:58, 04 - قىركۇيەك 2019 | GMT +6
مەيرامبەك بەسبايەۆ ءوزىنىڭ جاڭا قىزمەتىنە قاتىستى پىكىر ءبىلدىردى
نۇر-سۇلتان. قازاقپارات - ءانشى مەيرامبەك بەسبايەۆ ءوزىنىڭ الماتى اكىمى باقىتجان ساعىنتايەۆتىڭ مادەنيەت سالاسى بويىنشا شتاتتان تىس كەڭەسشىسى بولىپ تاعايىندالۋىنا قاتىستى پىكىر ءبىلدىردى، دەپ حابارلايدى قازاقپارات.
«الماتى قالاسىنىڭ اكىمى باقىتجان ءابدىر ۇلىنىڭ بۇيرىعىمەن مادەنيەت سالاسىنىڭ شتاتتان تىس كەڭەسشىسى بولىپ تاعايىندالدىم. قادىرلى تىلەكتەس، رۋحتاس باۋىرلارىم. ماعان ارنالعان اق تىلەك پەن نيەتتەرىڭىزگە مىڭ العىس. الماتى ونەردىڭ قايناعان ورداسى. كۇرمەۋى قيىن، كۇردەلى ماسەلەلەرى كوپ مادەنيەت سالاسىندا سىزدەر ءۇشىن ەڭبەك ەتۋگە بارىمدى سالامىن. ءار قادامىما ساتتىلىك تىلەگەن اعايىنعا راحمەتىم شەكسىز»، - دەپ جازادى ءانشى instagram پاراقشاسىندا.
مەيرامبەك بەسبايەۆتىڭ جاڭا قىزمەتكە تاعايىندالعانى تۋرالى بۇعان دەيىن حابارلاعان بولاتىنبىز.
